Abaı Qunanbaıulynyń 175 jyldyq mereıtoıyna oraı Shymkent qalasynda shyǵarylǵan úlken kitap aqynnyń týǵan jeri - Shyńǵystaýǵa ákelindi.
2020 jylǵy Qazaqstannyń Gınness rekordtar kitabyna engen alyp kitaptyń kólemi - 122 h 90 sm. 24 betten turatyn kitaptyń salmaǵy - 27 keli. «Abaıdyń qara sózderi» dep atalatyn kitapty Abaı aýdanyna Shymkent qalasyndaǵy №1 jalpy orta keshki mektebiniń dırektory Isaq Asanov bastaǵan qonaqtar arnaıy alyp kelip, saltanatty túrde tabys etti. Alystan at arytyp kelgen meımandar aýdan ortalyǵyndaǵy uly Abaı eskertkishine taǵzym etip, gúl shoqtaryn qoıdy. О́z kezeginde ıgi istiń bastamashysy bolǵan I.Asanovqa Abaı eli atynan syı-qurmet kórsetildi.
Shyǵys Qazaqstan oblysy,
Abaı aýdany
