"Osy jyldyń maýsym aıynda jyldyq ınflıasııa 7% jetti. Ekonomıkadaǵy problemalardy eskere otyryp, jyldyq ınflıasııanyń maqsatty dálizi 9-11% deńgeıine keltirildi.
Sonymen birge, anaǵurlym tıimdi aqsha-kredıt saıasatyn júrgizý arqyly ınflıasııanyń 8-8,5% sheginde saqtalýyn qamtamasyz etý qajet dep sanaımyn.
Qarjy júıesiniń turaqtylyǵy mańyzdy másele bolyp tabylady. Ulttyq Bank qarjy júıesin aıtarlyqtaı turaqty dep sanaıdy. Alaıda, ósý tutynýshylyq nesıeleý salasynda, ekonomıkanyń naqty sektoryna berilgen nesıeler ósip jatqan joq.
Men Agenttikke jáne Ulttyq bankke bıznes úshin nesıege qol jetimdilikti arttyrý týraly tapsyrma berdim.
Úkimet Ulttyq Bankpen birge halyqaralyq ındeksterge qosyla otyryp, memlekettik baǵaly qaǵazdar naryǵyn damytý jumystaryn jandandyrýy qajet.
Bul sheteldik ınvestorlar úshin teńge aktıvteriniń tartymdylyǵyn arttyrady, qaryz alý qunyn tómendetedi jáne qarjy naryǵynyń damýyna serpin beredi", - dedi Prezıdent.
