Sonyń ishinde oıyq uńǵyly 27 qarý, tegis uńǵyly 172 qarý, segiz sholaq myltyq jáne 231 dana patrondar alynǵan.
Máselen, Báıdibek aýdanynyń turǵyndary da aksııaǵa belsendilikpen qatysyp jatyr. Shaıan aýylynyń bir turǵyny, Aǵybet aýylynyń eki turǵyny erikti túrde qarýlaryn polısııa bólimine tapsyrdy. Olardyń úsheýi de tegis uńǵyly qarýlar. Qazirgi ýaqytta myltyqtar saraptamaǵa jiberildi. Nátıjesinde azamattarǵa aqshalaı qarajat tóleý týraly sheshim qabyldanady.
Sonymen qatar, zańsyz saqtalǵan qarý men oq-dárilerdi anyqtaý maqsatynda oblys kóleminde 600-ge jýyq sharýa qojalyqtarynda tekserý jumystary júrgizildi.
Eskerte ketetin jaıt, qolyndaǵy qarý-jaraq zattaryn tapsyrǵysy kelgen turǵyndar arnaıy 8-778-991-66-66, 8-775-287-16-37 telefony nemese “102” nómirine onlaın-formatta habarlasýyna bolady. Tirkelmegen atys qarýyn, oq-dáriler men jarylǵysh zattardy óz erkimen tapsyrǵan turǵyndar qylmystyq jáne ákimshilik jaýapkershilikten bosatylady.
Sondyqtan, turǵyndar zańsyz saqtalǵan, tirkelmegen qarýlaryńyz bolsa, tıisti organǵa tapsyryńyzdar.
