Sondaı-aq, Prezıdent elimizde "Waste to energy" tehnologııasyn engizý úshin qajetti zańnamalyq baza men ınvestısııalyq jaǵdaı jasaýdy tapsyrdy.
"Biz kúnnen kúnge ózektiligi artyp kele jatqan ekologııalyq máselelermen aınalysýymyz kerek. Qazir qoǵamnyń nazary da osyǵan aýdarylyp otyr. Jyl saıyn 5 mln. tonna qatty turmystyq qaldyq shyǵady. Onyń tek 15% ǵana qaıta óńdeledi. Bul óte tómen kórsetkish",- dedi Prezıdent.
"Aýyldyq jerlerde ruqsat etilmegen kúl-qoqys polıgondary kóp. Bir ret tekseris júrgizip, aıyppul salý jáne ekologııalyq sharalardy ótkizý, máseleni tolyq sheshpeıdi. Bul oraıda ekologııa mınıstrligi júıeli túrde jumys isteýi kerek",- dedi memleket basshysy.
