"Beımálim pnevmonııa" týraly aqpar aldymen Qytaıdyń Qazaqstandaǵy elshiliginiń saıtynda shyqqan. Qytaı elshiligi Qazaqstanda ókpe derti qatty órship ketkenin habarlap, jarty jylda pnevmonııadan 1772 adamnyń qaıtys boldy degen derek tarqatqan. Qaıtys bolǵandar arasynda Qytaı azamattary bar ekenin kórsetipti. Elshiliktiń bul habarlamasy kórshi eldiń birneshe baspasóz betinde jarııalanyp ketken.
Osyǵan baılanysty Densaýlyq saqtaý mınıstrliginiń resmı ókili Dıas Ahmetshárip jaýap berip, aqparattyń shyndyqqa janaspaıtynyn aıtty.
"Dúnıejúzilik densaýlyq saqtaý uıymyna Qazaqstan kiredi. Sol uıymnyń halyqaralyq indetterdi klassıfıkasııalaý kodtaryn bergen bolatyn osy pnevmonııaǵa baılanysty. Sol kodqa sáıkes, Qazaqstan Respýblıkasy pnevmonııa aýrýyn esepke alyp, monıtorıng júrgizedi. Sol monıtorıngtyń arqasynda biz kerekti sharalardy qolǵa alamyz", - dedi ol.
