0 shildege qaraǵan túni Atyraý qalasy aýmaǵynda bes júrgizýshi mas kúıinde anyqtaldy. Olardyń ekeýi 1982 jyly týǵan jáne 1998 jyly týǵan áıel adamdar. Sot medısınalyq saraptama qorytyndysymen júrgizýshilerdiń ishimdik ishkenderi rastaldy. Ishimdik ishken júrgizýshilerge qatysty QR ƏQBtK 608-baby “Júrgizýshiniń kólik quralyn alkogoldik masań kúıde basqarýy” boıynsha ákimshilik hattamalar jasaqtaldy.
Al, 1995 jylǵy er adamnyń buǵan deıin júrgizýshi quqynan aıyrylǵany anyqtalyp, oǵan qatysty QK 346-baby boıynsha qylmystyq is qozǵaldy. Atyraý oblysy Polısııa departamentiniń bastyǵy polısııa polkovnıgi Kamza Úmbetqalıev, 2019 jyly Qazaqstan Respýblıkasynyń Prezıdenti Qasym-Jomart Toqaev qol qoıǵan “Qazaqstan Respýblıkasynyń keıbir zańnamalyq aktilerine qylmystyq jáne qylmystyq-prosestik zańnamany jetildirý máseleleri boıynsha ózgerister men tolyqtyrýlar engizý týraly” týraly zańǵa sáıkes, 2020 jyldyń 11 qańtarynan bastap kólikti mas kúıinde júrgizgeni úshin jaza kúsheıtildi.
Mundaı zań buzýshylar jol-kólik apatyn jasamaı-aq, azamattarǵa zııan keltirmese de, 15 táýlikke qamaý jóninde ákimshilik jaza taǵaıyndalyp, jeti jylǵa deıin júrgizýshilik quqyǵynan aıyrylady. Atalǵan quqyq buzýshylyq qaıtalanǵan jaǵdaıda, qamaý merzimi 20 táýlikke deıin, al júrgizýshilik quqyǵynan aıyrý segiz jylǵa deıin uzartylady, dedi. Atyraýlyq polıseıler osy kúni, qalada karantındik shekteý sharalaryn buzǵany úshin bes avtokólik júrgizýshisin anyqtap, olarǵa qatysty jınaqtalǵan qujattardy taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldady.
