Mınıstrdiń aıtýynsha birinshi nusqa – qashyqtan oqytý. Bul nusqa tańdalǵan jaǵdaıda alystaǵy eldimekenderdi eseptemegende qalǵanynyń bári qashyqtan oqytylady.
Ekinshi nusqa – ishteı jáne qashyqtan oqytý. "Bul jaǵdaıda shekteý bolýy kerek: mektepte mindetti túrde termometrııa, sanıtaızerler bolýy tıis. Áleýmettik qashyqtyq saqtalyp, sabaqtar qysqartylýy kerek. Iаǵnı kabınettik júıeler alynýy tıis", - dedi mınıstr.
Mınıstr usynǵan úshinshi nusqa - shtattyq rejımde qatań sanıtarlyq shekteý sharalary saqtala sabaqty jalǵastyrý. Iаǵnı balalar ishteı oqıdy da, qońyraý, synyptardyń tolymdylyǵy, aýysym, kabınettik júıelerdi alýdan bastap ashanaǵa barýǵa deıingi shekteý sharalary kúshinde bolady.
Ashat Aımaǵambetov bul úsh nusqa da qazir tolyqtyrylyp, talqylaýda ekendigin aıtty. Naqty qaı nusqa iske asatyndyǵy aldaǵy ýaqytta málim bolady.
