Sondyqtan olar shetelde túsirilgen beınejazbalardy ádeıi jarııalaıdy.
Osylaısha, IIM mamandary áleýmettik jelilerge monıtorıng jasaý barysynda ushaqtardyń shól jerlerde qyzyl tústi zattardy tastap jatqan beınematerıaldardy anyqtady. Bul jarııalanymdardyń avtorlary kadrlar Qazaqstanda túsirilgen dep sendiredi.
IIM Tergeý departamenti kórineý jalǵan aqparatty taratý faktisi boıynsha QR Qylmystyq kodeksiniń 274-babymen sotqa deıingi tergeýdi bastady.
Ishki ister mınıstrligi beınejazbanyń tolyq nusqasyn zerttedi, nátıjesinde beınejazbadaǵy ushaq AQSh-taǵy órtti sóndirýge jumyldyrylǵan “Tanker Air Carrier 914” ushaǵy ekeni belgili boldy.
Bul beınejazba “Goal Aircraft” jeke amerıkandyq áýe kompanııasynyń Facebook-taǵy akkaýntynan kóshirilip alynǵan.
IIM Tótenshe jaǵdaılar komıtetiniń mamandary habarlaǵandaı, boıalǵan sýmen órtti sóndirý tájirıbesi AQSh pen Avstralııada qoldanylady. Boıaý ekıpajǵa aldyńǵy laqtyrýdyń nátıjesin kórýge kómektesedi jáne qaıtadan dál kózdeýge jaqsy. Sondaı-aq, bul sýdyń quramynda aǵashqa sińip, órttiń taralýyn keshiktiretin arnaıy tyńaıtqysh bar. О́rtke qarsy ushaqtardyń ekıpajdary eń tómengi bıiktikte – aǵashtardyń butaqtaryna 60-100 metr jaqyn ushýǵa týra keledi. Kóbinese sýdy órttiń ózine emes, jalynnyń jolyndaǵy ýchaskelerge tógedi.
Qaskúnemder Qazaqstanda túsirilgen dep bergen órt sóndirý kadrlary aǵymdaǵy jyldyń maýsym aıynda AQSh shtattarynyń birinde órt sóndirý kezinde alynǵan.
Muny ushaqtardaǵy taný belgileri, órt sóndirý qyzmetiniń (Fire AZ-TNF – Tonto National Forest – Tonto ulttyq qoryǵy) avtokólikterindegi nómirlik belgiler jáne beınejazbanyń tolyq nusqasyndaǵy órt sóndirýshilerdiń aǵylshyn tilindegi sózderi kýálandyrady.
IIM ESKERTEDI: kórineý jalǵan aqparat taratý jeti jylǵa deıin bas bostandyǵynan aıyrýdy kózdeıtin qylmystyq quqyq buzýshylyq bolyp tabylady.
