Qazaqstan • 13 Shilde, 2020

QMDB: 13 shildede elimizdiń barlyq óńirinde quran hatym duǵasy jasalady

7942 ret

kórsetildi

1 mın

oqý úshin

Memleket basshysy Qasym-Jomart Toqaev televızııalyq Úndeýinde 13 shilde – Ulttyq aza tutý kúni bolyp belgilengenin aıtqan bolatyn. Osyǵan oraı QMDB Tóraǵasy, Bas múftı Naýryzbaı qajy Taǵanulynyń bastamasymen elimizdegi respýblıkalyq, oblystyq iri-iri meshitterde jáne medreselerde, qarılar daıarlaý ortalyqtarynda 100 (júz) Quran Hatym oqylýda, dep habarlaıdy Egemen.kz QMDB-nyń baspasóz qyzmetine silteme jasap.

Jibek AǴDARI

QMDB: 13 shildede elimizdiń barlyq óńirinde quran hatym duǵasy jasalady

13 shilde kúni elorda ýaqytymen saǵat 13:00-de osy kúnderi qarılarymyz oqyp jatqan Quran Hatymnyń duǵasy jasalady. Al Bas múftıdiń qatysýymen respýblıkalyq "Áziret Sultan" meshitinde jasalatyn Quran Hatym duǵasyna QMDB-nyń Instagram jelisindegi resmı paraqshasy jáne YouTube kanaly arqyly onlaın qosylýǵa múmkindik bar.

Qazaqstan musylmandary dinı basqarmasy elimizdegi barsha musylman qaýymyn osy kúnderi shama kelgenshe Quran oqyp, Allany zikir etip, keshirim tilep jáne Paıǵambarymyzǵa (oǵan Allanyń salaýaty men sálemi bolsyn) kóptep salaýat aıtyp, respýblıka ımamdarymen, qarılarymen 13 shilde kúni bir mezette el amandyǵy úshin duǵa jasaýǵa shaqyrady.