Olar sottalǵandar arasynda top bastyǵy qyzmetin áleýmettik-quqyqtyq jáne tárbıe jumysyn qaýipsizdikti joǵary deńgeıde saqtaı júrip atqardy.
Koronovırýs indetine qarsy kúreste jalpyǵa ortaq sanıtarlyq talaptardy kýrsanttar buljytpaı oryndaı otyryp, óndiristik tájirıbeden ótýde jaqsy nátıjege jetip, memlekettik emtıhandy joǵary jetistikpen tapsyrdy.
Memlekettik attestasııalaý komıssııasynyń sheshimimen túlekter biliktiligimen jáne «quqyq qorǵaý áreketiniń bakalavry» akademııalyq sanatymen dárejelenip, Ishki ister mınıstriniń buıryǵymen birinshi arnaýly shen «ádilet leıtenanty» berildi.
155/12 memlekettik mekemesiniń basshylyǵy sanıtarlyq-epıdemııalyq talaptardy qatań saqtaı otyryp, IIM Qostanaı akademııasynyń túlekterine saltanatty túrde dıplom tapsyrý rásimin ótkizdi.
Saltanatty jıynǵa respýblıkalyq «Generaldar Keńesi» odaǵynyń, Ardagerler jáne Aýǵan soǵysy múgedekteri odaǵy Úılestirý keńesiniń músheleri men túlekterdiń ata-analary qatysty.
«Shyraqbek Qabylbaev atyndaǵy Qostanaı akademııasynyń túlekteri atalǵan oqý ornynda bilimderin naqty tájirıbemen ushtastyryp, patrıottyq rýhty boılaryna sińirip, lezde óte shyqqan tórt jyldan keıin dıplomdaryn akademııa qabyrǵasynda almasa da Jetisý jerinde Qylmystyq atqarý júıesiniń birinshi sheni «ádilet leıtenanty» shenin ıyqtaryna taǵyp, boılaryna erekshe bir alapat jiger uıalatyp shyqty», dedi Almaty oblystyq QAJ departamenti bastyǵynyń orynbasary, ádilet podpolkovnıgi Qanat Ashov.
Almaty oblysy
