SQO Polısııa departamentiniń Esirtki qylmysyna qarsy is-qımyl basqarmasy qyzmetkerleri Petropavl qalasynyń turǵynyn ustady. Onyń úıinen asa iri kólemdegi marıhýana tárkilendi. Sonymen birge óńirdegi Polısııa departamentiniń Esirtki qylmysyna qarsy is-qımyl basqarmasyna turǵynnyń esirtki zattaryn taratýǵa qatysy bar degen jedel aqparat kelip túskendikten, jedel-izdestirý jumystary bastaldy.
Tintý is-sharalary barysynda qyzmettik-izdestirý ıti kúdiktiniń úıindegi kólikjaıdan qaptardyń ishinde erekshe ıisti, ósimdik tektes zat salynǵan úsh qorapty anyqtady. Sot-hımııalyq saraptama aktilerine sáıkes, salmaǵy 51 keli keptirilgen marıhýana bolyp shyqty.
Qazirgi ýaqytta turǵyn tergeý ızolıatorynda. Atalǵan fakti boıynsha sotqa deıingi tergeý júrgizilip jatyr. Oblystyq Polısııa departamenti basshysynyń orynbasary Rýslan Nazarovtyń aıtýynsha, qazir atalǵan fakti boıynsha qajetti saraptamalar, istiń mán-jaıyn anyqtaıtyn tergeý amaldary júrgizilip jatyr. Jyl basynan beri oblys aýmaǵynda 111 esirtki qylmystary anyqtaldy. Zańsyz aınalymnan 173 keliden astam túrli esirtki zattary alyndy.
