Aımaqtar • 15 Shilde, 2020

Shalǵaı aýdandarǵa dári-dármek jetkiziledi

312 ret

kórsetildi

1 mın

oqý úshin

Qostanaıdaǵy "Stofarm" seriktestiginiń qoımasyna 130 myń qaptama dári-dármek kelip tústi. Olardyń ishinde sońǵy kezderi qat bolyp ketken áleýmettik mańyzy bar antıbıotıkter, vırýsqa qarsy jáne qyzý túsiretin dáriler bar, dep habarlaıdy Egemen.kz.

Nurqanat QULABAEV

Shalǵaı aýdandarǵa dári-dármek jetkiziledi

- Dári-dármekter "Farmakom", "Zabota" jáne taǵy basqa da dárihana jelilerine taratylady. Sondaı-aq, taıaý kúnderi oblystyń barlyq aýdandaryndaǵy dárihanalarǵa jetedi. Ár aýdanǵa jiberiletin dári-dármek kólemi sol óńirdegi turǵyndardyń sanyna qaraı anyqtalady, - dedi "Stofarm" seriktestiginiń kommersııalyq dırektory Sergeı Atkın.

Sonymen qatar, oblys ortalyǵyndaǵy "Ińkár" seriktestigine de 20 tonna dári-dármek ákelindi. Qazir seriktestik qoımasynda asa zárý dáriniń 23 túri bar. Máselen, munda bir ǵana parasetamoldyń 35 myń qaptamasy tur. Seftrıakson, azıtromısın, levofloksasın, novokaın, antıgrıppın, analgın, zıtmak, kardıomagnıl, ksarelto sııaqty dáriler kesheden beri dárihanalarǵa taratylyp jatyr.

- Qostanaı oblysynda 281 dárihana bar. Búginnen bastap sonyń bárine jedel túrde dári jetkizilip jatyr. Eń birinshi kezekte oblys ortalyǵynan shalǵaı ornalasqan Jitiqara, Arqalyq, Amangeldi, Jangeldi aýdandaryn áleýmettik mańyzy bar dári-dármekpen qamtý mindeti tur. Jańa kelip túsken dárilerdiń baǵasy jiti baqylaýda bolady, - dedi taýarlar jáne kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Sáýle Erjanova.

Taıaý kúnderi aımaqqa dári-dármektiń taǵy bir legi kelip jetýi tıis. Erteń Reseı men Úndistannan dári tıegen júk ushaqtary Qostanaı áýejaıyna qonady dep kútilýde.