Sozylmaly aýrýlarmen aýyrmaıtyn 60 jasqa deıingilerdiń indet juqtyrǵany testpen anyqtalyp jatsa, úılerinde oqshaýlanýy tıis. Tunshyǵý belgileri bolmasa jedel-járdem qyzmetine habarlasyp, mazalaýǵa bolmaıdy.
Qart qurlyqta qan qysymyńyz kóterilip, dene qyzýyńyz 40-tan assa da jedel-járdem kútpeńiz. Kelmeıdi. Sebebi, mundaı jeńil-jelpi aýrýdan góri brıgada órtke oranyp, jol apatyna ushyraǵandarǵa, asa aýyr haldegilerdi qutqarýǵa asyǵady. Onyń ózi bizdegideı tegin emes, aqyly.
"Máselen, munda feldsherdi shaqyrý - 40 eýro, úıińizge dáriger kelsin deseńiz 100 eýro, bizshe 47 myń teńgedeı tóleýińiz qajet. Páterińizden 5 shaqyrym jerdegi aýrýhanaǵa jetkizgenine kem degende taǵy 100 eýro beresiz. Sodan bolar, únemshil belgııalyqtar jedel-járdem qyzmetine júginbeı, jandary qatty qınalyp tursa da aýrýhanaǵa ózderi jetýge tyrysady. Eshqaısysy úılerinde óz betinshe emdelmeıdi. Sebebi, dárihanalarda antıbıotık beıbereket satylmaıdy. Buǵan Belgııada jumys babymen ýaqytsha turyp jatqan qazaqstandyqtar da beıimdelgenderin aıtady, - deıdi telearnanyń osy eldegi menshikti tilshisi.
