Aımaqtar • 16 Shilde, 2020

Polısııa múmkindigi shekteýli qyzǵa arba tartý etti

225 ret

kórsetildi

1 mın

oqý úshin

Qostanaı aýdanynda turatyn múmkindigi shekteýli Márııa Bekturovanyń kópten bergi armany oryndaldy. 3-top sanatyndaǵy zaǵıp jan ózdiginen júrip-tura almaı qalǵan. Al aıaq pen taıaq ornyna múgedek arbasyn satyp alaıyn dese, baǵasy ýdaı. Ony qaltasy kótermeıdi. Márııa basyna qansha aýyrtpalyq tússe de ákesine jan qınalysyn sezdirgisi kelmeıdi. Biraq bir orynda tapjylmaı jatyp qalǵan qyzyn oılaǵanda áke júregi syzdap qoıa beretin.

Nurqanat QULABAEV

Polısııa múmkindigi shekteýli qyzǵa arba tartý etti

Sońǵy kezderi zeınetker Sapar Bekturovqa "qyzymnyń jaǵdaıyn qaıtsem jeńildetemin" degen oı maza bermeı qoıdy. Kóp túnderi uıqysyz ótti. Aqyry ózi 30 jylǵa jýyq qyzmet etken quqyq qorǵaý salasyndaǵy áriptesterine ótinish bildirip, kómek surap kórmekke bekinip, Qostanaı aýdany polısııa bóliminiń bastyǵy Muhtar Jaılaýbekovke hat joldap, qyzyna arba alyp berýdi ótingen.

Kóp keshikpeı aýdandyq polısııa bóliminiń ujymy Qostanaı oblysynyń ardagerler keńesimen birlesip, Márııaǵa múgedekter arbasyn tartý etti. Osydan keıin múmkindigi shekteýli qyzǵa aýlaǵa shyǵýǵa, taza aýada serýendeýge múmkindik týdy.

- Tártip saqshylaryna alǵysym sheksiz. О́tinishimdi jerge qaldyrmady. Polısııa qatarynda osyndaı qaıyrymdy, asyl azamattardyń bar ekeni qýantady, - dedi ishki ister organdarynyń qurmetti ardageri Sapar Bekturov.