Shyǵys Qazaqstan oblysy, Úrjar aýdany, Maqanshy aýylyndaǵy burynǵy týberkýlez dıspanseri ǵımaratynda provızorlyq-stasıonarlyq oryndar ashý boıynsha tıisti talapqa saı jóndeý jumystary aıaqtaldy. Osyǵan baılanysty Úrjar aýdandyq №2 probasııa qyzmetiniń qyzmetkerleri jáne eriktiler men "Qabı" jáne "Shórek" sharýa qojalyqtardyń basshylarymen birlesip Úrjar aýdandyq №2 aýdanaralyq aýrýhanasyna naýqastarǵa ydys-aıaq quraldar men jańa matrastar tabystaldy.
– Biz kez kelgen kómekke alǵysymyzdy bildiremiz. Sebebi, dál qazirgi ýaqytta qoldaý qajet. Áli de qorǵanys kuraldary, respıratorlar jetispeıdi. Keıbir dári-dármek túrleriniń tapshylyǵy da baıqalady. Qıyn-qystaý sátte medısına qyzmetkerleri qoldaýsyz qalmaıdy. Jaqynda Aıgúl Merǵalıqyzymen Úrjar aýdandyq №2 probasııa qyzmetiniń ókilderi jolyǵyp, kómek kórsetýge daıyn ekendikterin bildiripti. Búgin sol gýmanıtarlyq járdemderin ákelip otyr, – dedi Úrjar aýdandyq №2 aýdanaralyq aýrýhanasynyń bas dárigeriniń orynbasary Aıgýl Merǵalıqyzy.
Al Úrjar aýdandyq №2 probasııa qyzmeti bóliminiń aǵa ısnpektory Dıdar Bajenov: "Qazir medısına qyzmetkerleri kún-tún demeı kózge kórinbeıtin indetpen kúresip jatyr. Olar aldyńǵy shepte júr. Mamandar ár naýqasty emdep shyǵarý úshin barlaryn salýda. Osyǵan baılanysty bizdiń probasııa qyzmetiniń eriktilerimen aqyldasyp,osyndaı qıyn sátte búgingi kúnniń batyrlaryna kómek kórsetýdi jón dep taptyq. Igi sharany jalǵastyramyz. Aldaǵy ýaqytta da mamandarǵa qoldaý kórsetemiz", deıdi ol.
Bul pravızorlyq stasıonar shildeniń 14-i kúni ashyldy. Emdeý mekemesi 50 orynǵa shaqtalǵan. Qazir munda toǵyz naýqas em qabyldaýda. Ár bólmege 2 eki adamnan jatqyzyldy.
