Onyń aıtýynsha, bul jelige Qazaqstannyń kez kelgen turǵyny óz qalasy nemese aýdanyndaǵy zańsyz qoqys oryndary men derekteri týraly, rastaıtyn foto, beınematerıaldardy joldaı alady.
"Sizdermen, sondaı-aq ishki ister departamenti jáne ákimdiktermen birge jaǵdaıdy baqylap, sol jerge baryp, shara qabyldaıtyn bolamyz", - dedi mınıstr.
Ekologııa mınıstrligi bir aı ishinde elimizdegi barlyq qoqys polıgondaryna tolyqtaı monıtorıngileý jasamaq.
10 shildede Úkimettiń keńeıtilgen otyrysynda Prezıdent Qasym-Jomart Toqaev ekologııa máselesi týraly aıta kelip, zańsyz qoqys oryndarynyń problemasyna erekshe nazar aýdardy. Jyl saıyn Qazaqstanda 5 mln tonnadan asa qatty turmystyq qaldyqtar shyǵarylady. Olardy óńdeý kólemi elimiz boıynsha tek 15% qana. Prezıdent aıtqandaı, bul jetkiliksiz. Sondyqtan ol Úkimetke jedel túrde zańnamalyq baza ázirlep, "Waste to energy" tehnologııasyn engizý úshin qolaıly ınvestısııalyq jaǵdaı týǵyzýdy tapsyrdy.
Ekologııa mınıstrliginiń stıhııalyq úıindiler boıynsha jedel jelisiniń nómiri: +77759524900.
