Qoǵam • 17 Shilde, 2020

Sýǵa shomylý maýsymy bastalǵannan beri 48 adam jan tapsyrdy

282 ret kórsetildi

Elimizdiń barlyq aýmaǵynda  derlik aýa raıynyń ystyq bolýyna baılanysty TJ komıtetin sý aıdyndarynda jıi oryn alatyn oqıǵalar alańdatýda, dep habarlaıdy Egemen.kz

Qutqarýshylar kún saıyn sý aıdyndarynda reıdter men patrýldeý júrgizedi. Sýǵa shomylý maýsymy bastalǵannan beri qutqarýshylar sý aıdyndarynda 48 adamdy, onyń ishinde 11 balany qutqardy. Sonymen qatar adamdar óz kúshterin baǵalamaı, salǵyrttyq tanytyp, sýǵa shomylý úshin jabdyqtalǵan oryndarda da sýǵa batyp kóz jumady. 

Árbir adam sýǵa shomylatyn sý aıdynynyń qaýipti oryndary men erekshelikterin bilýi tıis, óıtkeni jabdyqtalmaǵan jerlerde úıindiler, sý basqan bóreneler, temir kesekteri, shyny jáne basqa da zattar bolýy múmkin. Jaqyn kele jatqan katerlerge, kemelerge jáne motorly qaıyqtarǵa júzip ótý óte qaýipti, óıtkeni júzý quraldarynyń túbiniń astynda júzip kele jatqan adamdy sýmen jalǵaǵan jaǵdaılar oryn aldy. 

Jazǵy demalys ýaqytynda balalardyń sý aıdyndaryna, sýarmaly aryqtar men kanaldarǵa jaqyn jerde bolýyna ata-analar jaýapty ekenin erekshe atap ótkimiz keledi.
Sonymen birge, sýǵa shomylý maýsymy bastalǵannan beri (a.j. 1 maýsym men 16 shilde aralyǵynda) sýǵa shomylý, sýǵa batyp bara jatqan adamdy qutqarý kezinde óz kúshin baǵalamaý, mas kúıinde sýǵa shomylý,balalardy eresek adamdardyń qaraýynsyz qaldyrý saldarynan elimizdiń sý aıdyndarynda 122 adam ( 2019 jyly 167), onyń ishinde 35 bala (2019 jyly 61 bala) sýǵa batyp, kóz jumdy.

Tek osy aptanyń 4 kúni ishinde osy jyldyń 13-16 shilde aralyǵynda sýda 19 adam, onyń ishinde 6 bala sýǵa shomylý kezinde kóz jumdy.

Eske sala keteıik, aǵymdaǵy jyldyń 16 shildede ótken táýlikte Atyraý oblysy Qurmanǵazy aýdanynyń Amangeldi aýylynan 15 shaqyrym jerdegi Qıǵash ózeninde jabdyqtalmaǵan orynda sýǵa shomylý kezinde, Qaraǵandy oblysy Abaı aýdanynyń Volnyı kentinde jasandy sý aıdynynda, Qostanaı qalasynyń Teplıchnyı kombınat aýdanyndaǵy Tobyl ózeninde, Aqmola oblysy Atbasar aýdanynyń Atbasar qalasynan 2 shaqyrym jerdegi Jabaı ózeninen qaıyqtyń kómegi arqyly ótý kezinde 4 adam sý batyp, kóz jumdy. 

Sýdaǵy qaýipsizdikti qamtamasyz etý jumysy TJK-nyń erekshe baqylaýynda. Adamdardyń sýdaǵy qaýipsizdigin qamtamasyz etý maqsatynda TJK Polısııa departamentimen jáne jergilikti atqarýshy organdarmen birlesip, uıymdastyrýshylyq jáne praktıkalyq is-sharalar keshenin ótkizýde.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar