Ekologııa • 20 Shilde, 2020

Ekologııa mınıstrligi "Kóbeıtuz" kólin tekserýdi bastady

857 ret kórsetildi

Áleýmettik jelide "Kóbeıtuz" qyzǵylt kólinen tuz satý týraly habarlamalar tarala bastady. Satýshylar koronavırýsty emdeýge kómektesedi dep sendiredi. Osyǵan baılanysty Ekologııa mınıstrliginde tekseris bastaldy, - dep habarlaıdy Egemen.kz.

"Kóbeıtuzdan tuz satamyn, kelisi 5 myń teńge. Kóptegen aýrýdan emdeıdi, koronavırýs pen dıareıaǵa kómektesedi. Tamaqty shaıýǵa, tamaqqa qosýǵa, tuzdy vannany qabyldaýǵa bolady. Tek 10 shelek qana qaldy", delingen habarlamalardan kóz súrinedi.

Buǵan deıin  Tatıana Shıshkına óziniń Instagram jelisinde: "Kóbeıtuz qyzǵylt kóline barǵan saparynda kólge kelgen demalýshylar birinshi tamsanady, ár sharshy santımetrde sýretke túsedi, keıinnen paketterin asha bastaıdy. Osylaısha, týrıster sýǵa erekshe tús beretin kól túbindegi tuzdy qazyp alady", dep jazǵan bolatyn.

Tatıananyń aıtýynsha, adamdar tuzdy qappen, shelekpen alyp ketýde. Olar kól mańyndaǵy "tuz ben balshyqty alýǵa bolmaıdy, bul mıkroflorany buzady, ol tek 15 jyldan soń ǵana qalypqa keledi" degen jazýy bar plakatqa da mán bermeıtin kórinedi.

Aıta keteıik, Qazaqstannyń Ekologııa, geologııa jáne tabıǵı resýrstar mınıstrliginde tekseris bastaldy. "Qazir biz Kóbeıtuz kóline keldik. Ekologııalyq retteý jáne baqylaý komıtetiniń tóraǵasy Zýlfýhar Joldasovtyń basshylyǵymen mınıstrliktiń mamandandyrylǵan toby qajetti jumystar júrgizýde. Qazirdiń ózinde tıisti sharalardy qolǵa aldyq. Budan basqa, ekologter sýdyń sapasyn jáne sý túbiniń shógindilerin tekserýge synama aldy. Keshke qaraı jumystyń aldyn ala nátıjeleri týraly habarlaımyz", deıdi Ekologııa mınıstrliginiń basshylyǵy.

Aldyńǵy aqparattarda habarlanǵandaı, epıdemııalyq jaǵdaı turaqtanǵanǵa deıin "Kóbeıtuz" qyzǵylt kóline qazaqstandyqtarǵa barýǵa tyıym salyndy.

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar