Koronavırýs • 20 Shilde, 2020

Túrkııadan gýmanıtarlyq kómek retinde 5 О́JJ apparaty keldi

53 ret kórsetildi

Bul apparattardy Qazaqstanǵa turmystyq tehnıka shyǵarýda tanymal bolǵan Beko eýropalyq brendi jiberdi, - dep habarlaıdy Egemen.kz

Adam ómirine arasha bolýǵa arnalǵan jabdyq Túrkııanyń aldyńǵy qatarly kásiporyndarymen yntymaqtastyqta jobalanyp, jasap shyǵaryldy jáne ol qaýipsizdiktiń barlyq halyqaralyq talaptary men standarttaryna jaýap beredi.
Kompanııa ókilderiniń habarlaýynsha, aǵymdaǵy jylǵy kóktemde 120 ınjenerden turatyn top bar-joǵy 2 aptanyń ishinde Ystambýl qalasyndaǵy Arcelik Garage - ashyq ınnovasııalyq ortalyǵynda apparattyń alǵashqy prototıpin jobalap, testileýden ótkizdi.

Maýsym aıynyń basyna qaraı, onyń Cerkezkoy electronics ortalyǵynda kommersııalyq negizde el ishine jáne odan tys jerlerge bólip berý úshin 5000 apparat jasap shyǵaryldy.

Kompanııanyń IVL-apparatyn indettiń alǵashqy kezeńinde vırýspen kúres júrgizip jatqan elderge syıǵa tartý nıeti bar. Atalǵan bastamashylyq sheńberinde 5 apparatty Qazaqstan aldy.

Qazirgi ýaqytta, elge jetkizilgen IVL-apparattary kedendik tekserýden ótip, Qalalyq jedel shuǵyl kómek kórsetý aýrýhanasyna (JShKKA) berildi.

Sońǵy jańalyqtar

Uqsas jańalyqtar