Koronavırýs • 20 Shilde, 2020

Almatyda qosymsha ınfeksııalyq oryndar qurylýda

8 ret kórsetildi

Almaty qalasynyń ákimi Baqytjan Saǵyntaev qalanyń jańa nysandaryn kovıdtik gospıtalder retinde paıdalanýdyń daıyndyq barysymen tanysty, - dep habarlaıdy Egemen.kz

 

Búgin qala ákimi jumys sapary barysynda №4 perzenthananyń jańa nysanynda boldy.

«Búgin №4 qalalyq perzenthananyń jańa korpýsyn qarap shyqtym. Munda COVID-19-ben aýyrǵandar úshin qosymsha 50 tósek-oryn ashylady. Koronavırýs ınfeksııasymen bosanatyn áıelderge arnalǵan gospıtaldy daıyndaýda qurylys-jóndeý jumystary aıaqtaldy. Qazir hırýrgııalyq, reanımasııalyq jabdyqtardy, О́JJ apparattaryn qosý jumystary júrgizilýde. Sóıtip apta sońyna qaraı bul jer KVI-men bosanatyn áıelderdi qabyldaýǵa daıyn bolady», - dep jazdy Baqytjan Saǵyntaev Instagram-daǵy paraqshasynda.

Ákim óziniń sózinde kovıdti stasıonar retinde jumys jasaıtyn perzenthana 105 tósek- orynǵa artatynyn aıtty.

«Joǵary bilikti medısınalyq kómektiń der kezinde kórsetiletindikten, analar men jańa týǵan nárestelerdiń densaýlyǵy men ómiri saqtalatyn bolady»,- dep atap ótti B. Saǵyntaev.

Sonymen qatar, Almaty ákimi COVID-19-ben kúresýde naýqastardy jatqyzatyn oryndardy kóbeıtý qajettiligine baılanysty salynyp jatqan arnaıy áleýmettik qyzmet kórsetý Ortalyǵy ǵımaratynyń qurylys barysymen tanysty, munda 500 tósek-orynǵa arnalǵan birinshi eshelon ınfeksııalyq stasıonar retinde qaıta beıimdeledi.

«Barlyq qurylys-jóndeý jumystary qarqyndy túrde júrgizilýde. Nysandy bir aıdan keıin tapsyrýdy josparlap otyrmyz», - dep jazdy B. Saǵyntaev.
Jańa kovıdtik gospıtal qajetti zamanaýı quraldarmen jáne medısınalyq gazben jabdyqtalady. Qazir kadrlardy daıarlaý jumystary júrýde. Munda gospıtal pasıentterine dıagnostıkalyq medısınalyq kómek tolyq kólemde kórsetilmek.

Buryn habarlanǵanyndaı, kovıdti gospıtalder densaýlyq saqtaý nysandarynyń bazalaryna ornalasady,ıaǵnı olar qaıta jabdyqtalyp, sanıtarlyq- epıdemıologııalyq normalarǵa saı pármendi jumys jasaıtyn bolady.

Taza jáne kir aımaqtardy bóletin qorshaýlar, shlıýzder, dezınfeksııalyq tonnelder ornatylýda,jeldetkish (ventılıasııa) júıeleri jáne basqa da jumystar retke keltirilýde.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar