Áskerı jasaq bastyǵy kishi serjant Jandos Qalıev qasyndaǵy serikteri J. Jaqııa jáne R. Nadejkınmen birge Maıakovskıı kóshesinde ornalasqan balabaqsha mańyndaǵy qubyr ústinde otyrǵan er adamdy baıqaıdy.
Onyń osy bir oqys áreketi áskerılerdiń kúdigin týǵyzdy. Jaýyngerler oqıǵa ornyna quramynda "Djek" atty qyzmettik ıti men kınolog maman aǵa serjant Sergeı Obrosımov bar avtopatrýldi shaqyrdy.
Tártip saqshylary kúdiktige qaýipsizdik sharalaryn eskerte otyryp, tintý jumysyna qyzmettik ıtti jumyldyrady. Ábden jattyqqan "Djek" azamattyń shalbarynyń qaltasynan jáne sporttyq sómkesinen birden-aq esirtki zattaryn taýyp alyp shyǵady.
Mán-jaıdy anyqtaý úshin kúdikti Qostanaı qalalyq polısııa bóliminiń jedel áreket etý qyzmetine tabystaldy. Atalmysh qyzmet mamandary tekserý barysynda ustalǵan azamattyń kıiminen esirtki oralǵan 15 dana qaǵaz býmasyn tapty.
