Qaıyrymdylyq júgin jóneltken azamat atyn atamaýdy ótinip "syrqattarǵa shıpa bolsyn!", - degen jalǵyz aýyz tilegin joldaǵan.
Vırýs juqtyryp, ókpesi qabynǵan adamdarǵa asa qajetti dene qyzýyn túsiretin, aýrýdyń ýshyǵýyna jol bermeý úshin egiletin dáriler, ımmýnıtet kúsheıtetin dárýmender. Sonaý Máskeýden jetken júk kóligine munan basqa da medısınalyq preparattar tıelgen. Bári de dárigerlerdiń keńesi boıynsha jiberilipti.
Dárigerlerdiń aıtýynsha, ishinde qajetti dáriler kleaksan, deksemetazol sııaqty qazir tapshy bolyp tabylmaı turǵan, antıbıotıkter óte kóp. Sondaı-aq, 8 ottegi konsentratoryn da jibergen.
Sybaılas jemqorlyqqa qarsy is-qımyl departamenti qyzmetkerleri dárilerdiń syrtqy qorabyna "tegin taratylady" degen mór soqty. Atyn atamaýdy suraǵan Baıanaýyl týmasynyń týǵan eline joldaǵan jalǵyz ótinishi osy.
Aýasy shıpaly bola tura Baıanaýyl óńirinde vırýs juqtyrǵandar sany basqa aýdandarǵa qaraǵanda kóbirek. Dese de kóńilge medeý bolyp turǵany - dári jetkilikti. Syrqatty ýshyqtyrmaı jyldam emdep jiberýge múmkindik mol, - deıdi dárigerler.
