Ońtústik Qazaqstan • 21 Shilde, 2020

Shymkentte epıdemııalyq ahýal turaqtalyp keledi

26 ret kórsetildi

Búgingi kúnge Shymkent qalasynda COVID-19 vırýsyn juqtyrǵan azamattardyń sany 4 453 qurady. О́tken táýlikte 43 vırýs juqtyrǵandar tirkelip, ósim  +1%. Osy kezeńde 2 770 azamat (62,1%) emdelip shyqty, dep habarlaıdy Egemen.kz

О́kinishke qaraı, 31 azamat qaıtys boldy (onyń ishinde Túrkistan oblysynan - 3).

(Epıdemııalyq ahýal boıynsha 4453 jaǵdaıdyń: 22 (0,5%)– syrttan kelgen, 3122 (70,1%) – jergilikti, 1309 (29,4%) – qatynasta bolǵandar sanynan. Jas erekshelikter boıynsha:  18 jasqa deıingi balalar – 609 (13,6%), eresekter – 3844 (86,3%).

Infeksııalyq jáne provızorlyq stasıonarlarda qysqa merzimde qosymsha 3 050 tósek orny uıymdastyrylyp,  oryn sany 3 860- qa jetkizildi. Onyń ishinde 650 ınfeksııalyq, 3 210 provızorlyq tósek oryn.

Olardaǵy reanımasııalyq tósek ornynyń sany 30 orynnan 151 orynǵa deıin ulǵaıtyldy. Qosymsha 58 IVL, 250 "Bobrov" tynys alý apparattary jáne 26 reanımasııalyq monıtorlar alyndy. Reanımasııalyq orynnyń 88,7 paıyzy nemese 134 IVL apparattarymen qamtylǵan.

Kıslorodpen qamtylǵan oryn sany 861-ge nemese jalpy orynnyń 22,3 paıyzyna jetkizildi. Kıslorodpen turaqty túrde qamtamasyz etý máselesi de sheshilýde. Qosymsha 2 aýrýhanada kıslorod stansııasyn iske qosý jumystary júrgizilýde. Bir aı merzimde taǵy 3 aýrýhanada qosylatyn bolady. 

Bastapqy medısınalyq sanıtarlyq kómek kórsetý jumystary kúsheıtildi. Qosymsha 58 mobıldi brıgada qurylyp, 14 399 naýqasqa úıge arnalǵan stasıonarlyq qyzmet kórsetildi. Sonymen birge 38 556 azamatqa mobıldi brıgada qyzmeti boıynsha úılerine dári-dármek jetkizildi. Atqarylǵan jumystar qalada epıdemııalyq jaǵdaıdyń jaqsarýyna óz áserin tıgizdi.  

1-shi shildeden bastap osy aralyqta:

Jedel járdem kómegin shaqyrtýlar sany kúnine 2 142-den 1 571 deıin, ıaǵnı 26,6 paıyzǵa azaıdy.

Stasıonarlarda em alýshylar sany 2678 naýqastan 1834-ge deıin nemese 31,5 paıyzǵa tómendedi. 

Stasıonarlardaǵy tósek orynnyń júktemesi 90,3 paıyzdan 47,5 paıyzǵa deıin kemidi. Halyqty dári-dármekpen qamtý máselerin retteý jónindegi Memleket basshysy Qasym-Jomart Kemelulynyń tapsyrmasyn júzege asyrý maqsatynda qalada 4 monıtorıngtik top qurylyp, 348 dárihanada monıtorıng júrgizildi. 

Nátıjesinde, 50 zańsyz dári-dármek satýmen aınalysqandar anyqtaldy. Onyń ishinde 12 qylmystyq is tirkelip, tergeý amaldary bastaldy. Qalada kóterme dári-dármek satýmen aınalysatyn 10 iri farm kompanııa jáne 560 dárihana jumys jasaıdy. Bir jolǵy ruqsatpen shet memleketterden dári-dármek alyp kelýge 10 farm kompanııaǵa ruqsat berildi.

6 farm kompanııamen ("Zerde" JShS, "Aknıet" JShS, "Apteka №5" JShS, "Mega Farm Plıýs" JShS, "Koıbagarov" JK jáne "NýrMedLtd" JShS) bir ushaqpen, 10 fýra júk kóligimen Indııadan, Reseıden, Ýkraınadan, О́zbekistannan 2 mln 676 myń flakon birinshi kezektegi dáriler jáne 16 mln 700 myń maska jetkizildi.

Qala qoımalarynda bir aılyq dáriniń qory jasaqtaldy. Qaladaǵy karantındik sharalar turaqty atqarylýda. Karantın talaptaryn saqtamaǵany úshin  258 zań buzýshylyq anyqtalyp, jaýapkershilikke tartyldy.

Koronavırýspen kúresti turaqty baqylaýda ustaý úshin qala ákimdiginde sıtýasııalyq ortalyq quryldy. Ortalyqta 12 baǵytta top qurylyp, monıtorıng jumystaryn júrgizýde. Aǵymdaǵy jyldyń 26 maýsymynan "109" Koll ortalyǵy iske qosylyp, 4 859 qońyraý qabyldandy. 

15 shildeden "1430.kz" onlaın keńes berý mobıldik qosymshasy iske qosyldy, qosymshaǵa 171 dáriger tirkelip, halyqqa qyzmet kórsetýde. Qazirgi kezde pandemııanyń kelesi tolqynyna daıyndyq jasaý úshin arnaıy jospar quryldy. 

Qaladaǵy ınfeksııalyq, provızorlyq stasıonarlarda reanımasııalyq jáne ıntensıvti terapııalyq tósek oryn sany 151-den  330  orynǵa deıin ulǵaıtyp, olardy tolyq  IVL apparatymen qamtıtyn bolamyz. Kıslorodpen qamtylǵan tósek oryn sany 1,5 esege deıin kóbeıtilip, 1200 deıin jetkiziledi. 

Qala bıýdjeti ońtaılandyrylyp, qosymsha IVL, basqa da qural-jabdyqtar, dári-dármekter satyp alýǵa jergilikti bıýdjetten 5 mlrd teńge qarjy baǵyttaý kózdelýde. 

Sońǵy jańalyqtar

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Taýda joǵalyp ketken týrıst tabyldy

Aımaqtar • 06 Mamyr, 2021

Uqsas jańalyqtar