Aımaqtar • 21 Shilde, 2020

Elordada stasıonarǵa pnevmonııamen túsetin naýqastar sany 33% azaıdy

12 ret kórsetildi

Qabyldanǵan karantın sharalary men emhanalarda ambýlatorııalyq emdeý kúsheıtilgendikten, stasıonarǵa pnevmonııamen túsetin naýqastar sany 33% (1348-den 903-ke deıin) azaıdy. Bul týraly Úkimet otyrysynda qala ákimi Altaı Kólginov málimdedi.

Qala emhanalary kún saıyn sımptomsyz jáne KVI-diń jeńil túrin juqtyrǵan, pnevmonııaǵa shaldyqqan naýqastarǵa monıtorıng júrgizedi, telemedısına sheńberinde onlaın-keńester ótkizedi, úıde stasıonarlar uıymdastyrady.

Qala ákimdigimen birlesip qabyldanǵan ambýlatorııalyq emdeýdi kúsheıtý sharalary aýrýdyń bastapqy kezeńinde qajetti medısınalyq kómek kórsetýge jáne aýrýdyń asqynýyna jol bermeýge múmkindik beredi. Budan basqa, jedel járdem stansııasyna túsetin qońyraýlar azaıǵan: kúnine shaqyrtýlar sany eki ese qysqardy (3 myńnan 1 400-ge deıin), júginýshiler sany da 2 ese tómendegen (4 300-den 2 myńǵa deıin), onyń ishinde KVI boıynsha táýligine 500-den 175-ke deıin medısınalyq kómekke júginýshiler qysqarǵan. Jedel járdem stansııasynyń jumysyn jeńildetý úshin telegram-bot (@ns103bot) quryldy, ol kún saıyn 200-ge deıin ótinishti óńdeıdi, koll-ortalyq 500-ge deıin qońyraýǵa jaýap beredi.

Ahýaldyq ortalyq 1200-den astam adamnyń ótinishin qabyldap, onyń ishinde 901-i stasıonarlarǵa bólingen. Sondaı-aq, Damumed mobıldi qosymshasy jumys isteıdi. Qosymsha arqyly onlaın-qabyldaýǵa jazylýǵa jáne beıneqońyraý formatynda tegin keńes alýǵa bolady. Qabyldaý týraly barlyq aqparat dárigerdiń medısınalyq jazbasynda saqtalady.

Sońǵy jańalyqtar

«Ýkaznoı molda»: Ol kim?

Rýhanııat • Keshe

Qylań

Tanym • Keshe

Veterınarlar qartaıyp barady

Qazaqstan • Keshe

Uqsas jańalyqtar