Qor baıqaýshylarynyń málimetinshe, birqatar saılaý ýchaskesinde adamdardyń qarasy kóp bolyp, tipti ýchaskeler ashylmaı turyp-aq kezek qalyptasqan. Keıbir ýchaskelerde turǵyndar ashylý ýaqytyna deıin jınalyp, daýys berý prosesiniń bastalýyn kútken.Tańǵy saǵattardan bastap daýys berýge kelgen azamattardyń legi bir sátke de báseńdemeı, turaqty túrde jalǵasyp jatyr.
Baıqaýshylardyń aıtýynsha, saılaýshylar belsendilik tanytyp, ózderiniń azamattyq quqyqtaryn paıdalanyp, daýys berýge erte kelip jatyr.
Mundaı joǵary belsendilik azamattardyń qoǵamdyq-saıası ómirge degen qyzyǵýshylyǵynyń artyp kele jatqanyn kórsetedi. Sondaı-aq saılaý ýchaskelerinde tártip saqtalyp, daýys berý prosesi zań talaptaryna sáıkes uıymdastyrylyp jatqany baıqalady.
Jalpy, «El daýysy» qorynyń baıqaýshylary elimizdiń ár óńirindegi saılaý ýchaskelerinde daýys berý barysyn baqylap, azamattardyń saılaý quqyǵynyń saqtalýyn qadaǵalap otyr.
