«189 kún ishinde talqylaýlarǵa myńdaǵan azamattar, sarapshylar men qoǵam belsendileri qatysty. Osy kezeń boıy biz qoǵamdyq belsendilikti jáne azamattardyń keńinen atsalysqanyn kórdik. Shyn máninde, bul referendým Qazaqstannyń bolashaǵyn aıqyndaıdy. Búgin azamattar qandaı qoǵam quratynymyzdy, elimizdiń qandaı qundylyqtar men qaǵıdattar negizinde damıtyny týraly sheshim qabyldaýda», dedi Erlan Qarın.
Eske sala keteıik, bul – sońǵy 4 jyldaǵy úshinshi referendým.
«Barlyq mańyzdy ári sheshýshi sheshimder referendým arqyly, ıaǵnı barsha azamattyń pikirin eskere otyryp qabyldanýy tıis degen Prezıdenttik ustanym saıası ómirimizdiń qalypty normasyna, ornyqqan tájirıbesine aınaldy. Sońǵy jyldary Qazaqstan memleket pen qoǵam arasyndaǵy ashyq dıalog pen birlesken sheshimder qabyldaýdyń úlgisin kórsetip keledi. Elimiz saıası ómirdiń joǵary serpini men progreske degen umtylysyn pash etýde», dedi Erlan Qarın.
