"Búgin biz COVID-19-dan aıyqqan 30 azamdy shyǵardyq. Qazir bizde 300-ge jýyq naýqas em alýda, olar tolyq medısınalyq kómek alady. Bizde emdeýge arnalǵan barlyq dári-dármekter bar. Men óz tarapymnan taǵy bir ret turǵyndardy asa qajettilik bolmasa úıden shyqpaýǵa, qoǵamdyq oryndarǵa barmaýǵa, ózderińiz ben aınalańyzdaǵylardyń densaýlyǵyna qamqor bolýǵa, karantın normalaryn qatań saqtaýǵa shaqyramyn", – deıdi aýrýhananyń bólim meńgerýshisi Kagva Arav.
№ 3 qalalyq kópsalaly aýrýhananyń terapevti Azıza Aldanbaevanyń aıtýynsha, naýqastar kóbine emhanaǵa aýyr jaǵdaıda keledi.
"Birinshi kezekte olarǵa qajetti kómek kórsetiledi. Ádette, 2-3 kún qarqyndy terapııadan keıin jaqsy dınamıka baıqalady. Qazir biz aýrýynan aıyqqandardy shyǵaryp jatyrmyz", – dedi dáriger.
Zeınetker Marııa Jabaeva aýrýhanaǵa aýyr jaǵdaıda túskenin aıtady. "Barlyq medısına qyzmetkerlerine olardyń kómegi úshin rızamyn! Olar erekshe qamqorlyq tanytty. Munda 12 kún emdeldim. Oǵan deıin dárigerge barýdan qorqyp, úıde on kún emdeldim. Qazir men jazylyp shyǵyp, úıge bara jatyrmyn", – deıdi zeınetker.
Elordada barlyǵy koronavırýs juqtyrýdyń 8619 jaǵdaıy tirkeldi, olardyń 5 511 naýqas emdelip shyqty.
