PTR-test (polımerazdy tizbekti reaksııa) aýrýdyń baryn kórsetip, er adam koronavırýs ınfeksııasyn juqtyrǵany anyqtalǵan. Naýqastyń jaǵdaıyn býyn aýrýy men ekinshi dárejeli semizdik qıyndatqan. Kúni keshe, 21 shildede dárigerlerdiń kúshimen A.Ilın koronavırýs ınfeksııasynan saýyǵyp, emhanadan shyǵaryldy.
Degenmen, aǵza tolyq qalpyna kelý úshin odan ári ońaltatyn em-dom jasaý qajet. Naýqas barlyq dárigerlerge kásibı biliktiligi men kórsetken kómegi úshin alǵysyn bildirdi.
Aleksandr Ilın de medısına qyzmetkerleriniń aıanbaı kórsetken kómeginiń arqasynda aıyǵyp shyqqan kóp naýqastyń biri. 59 jasar Vıktor Chýlkovskıı de ókpesi 80% qabynyp, koronavırýs ınfeksııasymen stasıonarda 14 kún jatqan. Dárigerlerdiń qamqorlyǵy men biliktiliginiń arqasynda saýyǵyp shyqty.
"Qajyrly eńbekteri men jumystary úshin, asqan jaýapkershilikpen qaraǵandary úshin dárigerlerge alǵys aıtamyn. Densaýlyq pen barlyq jaqsylyqty tileımin", – deıdi naýqas.
Elorda turǵyny Kamarııa Orazalınovanyń jaǵdaıy da qıyn bolǵan.
"Búgin aýyr dertten keıin úıge oralatynyma óte qýanyshtymyn. Men koronovırýs ınfeksııasymen jáne 90% ókpem qabynyp aýrýhanaǵa tústim. 12 kún em qabyldadym. Dárigerler meni aıaqqa turǵyzdy. О́te rızamyn. Jaǵdaıym óte aýyr boldy, qazir men sóılesip otyra alamyn, qalypty ómirge oralyp kelemin", deıdi K.Orazalınova.
