Aımaqtar • 22 Shilde, 2020

Túrkistanda joldarǵa júrgizilgen saraptama nátıjesinde 61 buzýshylyq derekteri anyqtaldy

99 ret kórsetildi

Sybaılas jemqorlyqqa qarsy is-qımyl Agenttiginiń janynan qurylǵan "Sapaly jol - adaldyq alańy" jobasy aıasynda respýblıkalyq, oblystyq, aýdandyq jáne jergilikti joldardyń sapasyna turaqty negizde baqylaý jumystary júrgizilip keledi, - dep jazady Egemen.kz

Bul úrdis Agenttiktiń Túrkistan oblysy boıynsha Departamentiniń bastamasymen kıeli óńirde de óz jalǵasyn taýyp, "Ulttyq jol aktıvteri sapasy ortalyǵy" RMK fılıalynyń qyzmetkerleri men "Túrkistan - adaldyq alańy" jobalyq keńsesiniń jáne Arnaıy monıtorıngtik top músheleriniń qatysýymen oblysqa qarasty avtomobıl joldarynyń sapasy jiti qadalaǵanyp keledi. 

"Aǵymdaǵy jyly monıtorıngtik top músheleri Túrkistan, Kentaý, Arys qalalary men Báıdibek, Sozaq, Saryaǵash aýdandarynda arnaıy bolyp, turǵyndardyń aryz-shaǵymdary negizinde  jańadan tóselgen avtokólik joldarǵa saraptama júrgizdi.  Nátıjesinde 61 buzýshylyq derekteri, atap aıtsaq asfalt -beton jamylǵysyndaǵy qalyńdyqtyń sáıkes kelmeýi,  jol tóseliminde shógindiler men tegissizdikter, synýlar men yǵysýlardyń oryn alýy, jol jıekteriniń buzylǵandyǵy men shópterdiń shıyrshyqtala ósip shyqqandyǵy, sondaı-aq alynǵan 67 synamanyń 47-si bekitilgen talapqa sáıkes kelmeıtindigi anyqtalyp,   aqaýlardy joıý boıynsha jergilikti atqarýshy organdarǵa tapsyrys berýshimen 6 hat jiberildi. Buǵan qosa,  jyl basynan beri  oblystyq mańyzy bar tas joldarda aýyr júk kólikteriniń ishki tártibine reıdtik sharalar júrgizilip, nátıjesinde shamadan tys júk tıegen 70 aýyr júk kóligine jalpy quny 1 377 370 teńge kóleminde aıyppul salyndy", deıdi Departament basshysynyń birinshi orynbasary Mıras Qarǵabaı. 

Aıta keteıik, bul baǵyttaǵy jumystar, ıaǵnı oblysqa qarasty barlyq qala, aýdandardyń avtokólik joldaryna turaqty negizde monıtorıngtik jumystary júrgizilip otyrady.   Osy oraıda,  Departament óńir turǵyndary  ózi turatyn qala, aýdandardyń jol sapasynan  kemshilikter men aqaýlardy baıqaǵan jaǵdaıda,  + 7 747 263 83 63 nómirine qońyraý shalýǵa (foto-, vıdeomaterıaldardy qosa jiberýge) jáne monıtorıng jumystaryna qatysýǵa bolatynyn habarlaıdy.

 

 

Túrkistan oblysy 

Sońǵy jańalyqtar

Tarazda jasyrylǵan qarý-jaraq tabyldy

Aımaqtar • Búgin, 16:49

Dollar baǵamy ósti

Qarjy • Búgin, 15:50

Qazaqstanda altyn baǵasy qymbattady

Ekonomıka • Búgin, 15:32

27 naýryz - Halyqaralyq teatr kúni

Mádenıet • Búgin, 15:13

Bıbisara Asaýbaeva keshirim surady

Shahmat • Búgin, 11:35

Uqsas jańalyqtar