О́ıtkeni, koronovırýs pandemııasy jedeldemese, baıaýlamaı otyr. Sońǵy segiz kúnniń ózinde Covid-19 ınfeksııasyn taǵy 2 mıllıondaı adam juqtyryp, planetada ınfeksııalanǵandardyń jalpy sany 15 mıllıonnan asty.
Taılandta koronavırýs juqtyrǵandar kóp bolmasa da, sáýirde jarııalanǵan tótenshe jaǵdaı rejımi tamyzdyń sońyna deıin uzartyldy. Osy týraly qaýlyǵa sáıkes, úkimet basshysy úıden shyǵýǵa, kóp bolyp jınalýǵa, qoǵamdyq kólikti qoldanýǵa tyıym sala alady.Sońǵy eki aıda bul koroldikte jergilikti turǵyndardan ınfeksııasyn juqtyrý deregi baıqalmaǵan. Dese de, jyl basynan beri Taılandta koronavırýs 3 myńnan astam adamnan tabylyp, 58-i qaıtys boldy.
Avstralııa pandemııa bastalǵaly eń aýyr kúndi bastan keshirip jatyr. Munda ótken táýlikte qaýipti aýrýǵa 502 adam shaldyqqan. Aıta ketsek, bul memlekette jaqynda epıdemııa qaıta órship, Vıktorııa shtatynda 5 mıllıonǵa jýyq adam karantınge jabylǵan edi.
Reseıde indet juqtyrǵandar sany 790 myńǵa jýyqtady. Pandemııa kesirinen 10 mıllıonnan astam jumysynan aıyryldy, al turǵyndar suraý nátıjesinde ekinshi tolqynǵa daıyndalyp jatqanyn aıtady.
15 shildeden bastap Reseı jasap, synaq júrgizgen vaksına emhanalarǵa taratyla bastady. Bul oraıda jergilikti ǵalymdardyń pikiri ekige jaryldy: biri vaksınanyń vırýsqa qarsy ımmýnıtet qalyptastyrýǵa kúshi jetedi dese, endi biri sapaly ekpe jasaýǵa bes jyl kerek ekenin aıtady. Aıta ketsek, Qurama Shtattarda koronavırýsty 3 jarym mıllıonnan astam adam juqtyryp, 142 myńǵa jýyǵy qaıtys boldy. Pandemııadan eń qatty zardap shegip otyrǵan bestikke Brazılııa, Úndistan, Reseı, Ońtústik Afrıka da kiredi.
Zertteýlerge qaraǵanda, planetada jańa ınfeksııanyń taraý qarqyny kúshti. Alǵashqy kezde ony juqtyrǵandar sany 2 mıllıonǵa bir jarym aıda jetse, qazir osynsha adamnan aýrý 8 kúnde anyqtalatyn boldy
