Aımaqtar • 23 Shilde, 2020

Almatyda dári tapshylyǵyna baılanysty jaǵdaı turaqtalyp keledi

43 ret kórsetildi

Dárilik preparattarǵa degen suranysty turaqtandyrýda qala ákimdigimen qolǵa alynǵan sharalar qala halqyn da, sondaı-aq, megapolıstiń qala mańyndaǵy aýdandaryn da dári-dármekpen qamtamasyz etýge múmkindik berdi, - dep jazady Egemen.kz.

16 shildeden bastap búgingi kúnge deıin Turaqtandyrý qorynyń rezervinen qalanyń dárihana jelilerine 437 myń qaptamadan asatyn dárilik preparattardy jetkizý júzege asyryldy. Sonymen birge, Turaqtandyrý qorynan bólingen qarjy aıasynda Úndistannan 3,8 mln qaptama dári jetkizildi. Atalǵan kólemdegi dáriler qalanyń dárilik preparattarǵa degen bir aılyq suranysyn jabýǵa múmkindik beredi.

"Eń bastysy – turǵyndardyń dúrligýin basyp, qajetti dárilerdi barlyq dárihana sórelerine deıin jetkizý qajet boldy. Qazir biz jasalǵan jumystardyń nátıjesin kórip otyrmyz. Biz ákimdik janynan jabdyqtaý tobyn qurdyq jáne ol top qazir tikeleı qoldarymen óndirýshiden bizdiń dárihanalardyń sórelerine deıin joldap otyrady", - dep atap ótti ákim.

B.Saǵyntaev bastapqyda dárilermen qamtamasyz etýge 105 júıe qurýshy iri dárihanalar alynǵanyn atap ótti. Qazir mundaı dárihanalar sany 385-ke jetken. Bul tizim birtindep ulǵaıtylyp otyrady.

"Máselen, eger mamyr aıynda 50 myń qaptama parasetamol satylsa, shildeniń 3 aptasynda mıllıon qaptama satylyp ketken – suranys osyndaı bolǵan", - dedi ákim, búginde jaǵdaı turaqtalǵan.

Sertıfıkattaý jáne kedendik ákimshiliktendirý prosedýralaryn jeńildetý týraly sheshim qabyldanǵan. Úkimetpen atalǵan sharalar qabyldanyp, sonyń arqasynda qalaǵa medıkamentterdi jedel jetkizý qamtamasyz etildi.

"Biz dárilerdi bir rettik engizý úshin – qujattar rásimdeýin bir kúnde jasaý úshin farmasevtıkalyq ındýstrııa qaýymdastyǵymen bılikke usynys jasadyq, buryn qujattar 2 apta kóleminde ázirlenetin. Osyndaı tosqaýyldar kóp boldy. Olar da belgili bir ýaqyt aldy. Kedendik tazartý prosesi de tez ótedi, eshqandaı másele joq", - dep tolyqtyrdy ol.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar