Mysaly, búgingi kúnde alystaǵy aýdan, shalǵaıdaǵy aýyldarǵa qajetti dári-dármektiń mol partııasy jyljymaly dárihanalardyń kómegimen jetkizile bastady. Ázirge bul ıgi is synama joba retinde oblystaǵy Aqtoǵaı jáne Ulytaý aýdandaryn qamtyp otyr. Al oblystyq densaýlyq saqtaý basqarmasynyń basshysy Erjan Nurlybaevtyń aıtýynsha, aldaǵy ýaqytta jyljymaly dárihanalar oblystyń basqa da aýdandary boıynsha dári-dármek jetkizýmen aınalysa bastaıdy.
Joǵaryda atalǵan eki aýdan oblys ortalyǵynan shalǵaıda ornalasqan. Olardaǵy aýyldar da aýdan ortalyǵynan jáne bir-birinen alys jerde jatyr. Eldi mekenderde dári-dármek satyp alatyn birde-bir kommersııalyq dárihana bolmaǵandyqtan, turǵyndar qajetti preparattardy aýdandardaǵy ortalyq aýrýhanalardyń áleýmettik dárihanalarynan ǵana tabatyn.
Jyljymaly dárihanalar jobasyn júzege asyrýdyń tamasha sheshim bolǵanyn aıta ketken lázim. Onda júrek-qan tamyry júıesi men gıpertonııasy bar pasıentterge arnalǵan ómirlik mańyzy bar preparattar, BBQ men emdik shópterdi satyp alýǵa bolady. Sonymen qatar, aýyl turǵyndary qajetti dári-dármekke aldyn ala tapsyrys ta bere alady.
"Qazir bizde aýdandyq aýrýhanadan basqa stasıonar, alty aýyldyq dárigerlik ambýlatorııa, bir feldsherlik-akýsherlik beket jáne aýyldarda 16 medpýnkt jumys isteıdi. Bizdiń mobıldi dárihana ambýlatorııalar men medısınalyq pýnktter arqyly shalǵaı eldi mekenderdi dári-dármekpen qamtamasyz etedi", – deıdi Aqtoǵaı aýdanynyń ortalyq aýrýhanasynyń dırektory Sattar Ábdiǵulov.
Bul sharýany júzege asyrý úshin arnaıy qyzmetkerler aptasyna eki-úsh ret Qaraǵandyǵa baryp, farmasevtıkalyq kompanııalardan qajetti preparattardy kóterme baǵamen satyp alady eken. Dárihana áleýmettik bolǵandyqtan, barlyq dáriniń baǵasy kommersııalyq ataýlarǵa qaraǵanda áldeqaıda tómen. Eger jekemenshik dárihanalarda satý paıyzy shamamen 30%-ti qurasa, munda satyp alý baǵasyna tek 5% qana ústeme qosylatyn kórinedi.
О́tken aıda qoımalarda bolmaǵandyqtan, keıbir dári-dármek túrleriniń jetispeýshiligi baıqalǵany ras. Bul eń aldymen antıbıotıkterge, qabynýǵa, vırýsqa qarsy jáne antıkoagýlıanttar sııaqty preparattarǵa qatysty boldy. Qazir qaıyrly is qaıta jandanyp, aspırın, parasetamol jáne olardyń balamalary, qan suıyltatyn preparattar, antıbıotıkter qaladan jetkizile bastapty.
Dál osyndaı dóńgelekti dárihana Ulytaý aýdanynyń turǵyndaryn da dári-dármekpen qamtamasyz etip júr. Munda da medısınalyq preparattardy tıegen kóliktiń aýyldarǵa barý kestesi aýdandyq gazetter men áleýmettik jelilerde jarııalanyp turady.
