Elorda • 23 Shilde, 2020

Nur-Sultan turǵyndary dárigerlerdi qoldaý aksııasyn uıymdastyrdy

56 ret kórsetildi

Azamattardyń uıymshyldyǵy arqasynda eriktiler kún saıyn elorda aýrýhanalaryna 250-300 dárigerge ystyq tamaq jetkizedi, dep habarlaıdy Nur-Sultan ákimdiginiń baspasóz qyzmeti.

Shara 24 maýsymda bastalǵan – turǵyn úı keshenderiniń biriniń turǵyndary pandemııa kezinde medısına qyzmetkerlerine túsken júkteme týraly estip, aqsha jınap, eki emhanaǵa túski as jetkizip turýǵa sheshim qabyldady.

"Mundaı erikti qozǵalys aıaq astynan, áldekim elorda aýrýhanalarynyń birinde jaǵdaı aýyr bolǵandyqtan jáne ystyq túski as satyp alý múmkindiginiń joqtyǵynan dárigerlerdiń tez daıyndalatyn kespe jeıtini jaıly bólisken kezde paıda boldy. Sol sátte aqsha jınap, №1 jáne 2 qalalyq aýrýhanalarǵa ystyq tamaq, sonymen qatar shaıǵa arnalǵan kishkene desertke tapsyrys berý ıdeıasy paıda boldy", – deıdi aksııa qatysýshysy Sandýǵash Qurmanalıeva.

Turǵyn úı kesheniniń turǵyndary dárigerlerge kómektesý aksııasy turaqty sıpat alady dep oılamaǵan.

"Bastamamyz týraly bilgen adamdar habarlasyp, qalaı kómektesýge bolatynyn suraı bastady. Beı-jaı qaramaıtyn qala turǵyndary múmkindiginshe aqsha aýdardy: bireý myń, al keıbireýler 50-100 myń teńge. Tamaqtandyrý oryndarynyń aksııasyna qosyldyq. Osydan keıin taǵy birneshe aýrýhanany ystyq tamaqpen qamtý týraly usynystar túse bastady. Osylaısha aksııa keń etek aldy", – dep jalǵastyrdy S.Qurmanalıeva.

Blogerler aksııa týraly bilgennen keıin, Qazaqstannyń túkpir-túkpirinen, tipti shetelden kelgen turǵyndar qarajat jınaýǵa qosyldy. Azamattardyń uıymshyldyǵy arqasynda eriktiler elorda emhanalarynyń dárigerlerine kúnine 250-300 ystyq tamaq jetkizedi.

"Qazirgi ýaqytta biz alty aýrýhanaǵa tamaq jetkizemiz: №1, 2, №2 oblystyq aýrýhana, qyryqynshy stansııadaǵy kópsalaly ortalyq, birinshi aýrýhanadaǵy akýsherlik blok jáne Temirjol aýrýhanasy. Meıramhanalarda ystyq tamaq pen desertterge tapsyrys beremiz. Buryn taksı arqyly jetkizetinbiz, bul qosymsha shyǵyn. Biraq qazir jetkizilimge eriktiler kómektesedi. Mundaı aksııalar búkil Qazaqstan boıynsha jalǵasyn tabady dep senemiz", – dedi Sandýǵash Qurmanalıeva. №1 qalalyq aýrýhananyń qabyldaý bóliminiń dárigeri Samal Elýbaeva áriptesteriniń atynan alańdaýshylyq tanytqan azamattarǵa kórsetken kómegi úshin alǵys bildirdi.

"Kún saıyn biz kóptegen naýqastardy qabyldaımyz. Úı jumysymen aınalysýǵa, balalarmen sóılesýge ýaqyt joq. Sondyqtan mundaı kómek biz úshin óte mańyzdy", – deıdi ol.

Buǵan deıin aksııanyń bastamashylary dárigerlerge tamaqty taksı arqyly jetkizgen. Bul qosymsha shyǵyn bolatyn. Qazir olarǵa eriktiler kómektesýde.

"Elordanyń bir top turǵyndary dárigerlerge tamaq satyp alady. Biz, eriktiler emhanalarǵa jetkizýge kómektesemiz. Birlesip, jaqsy ister jasaýymyz kerek", – deıdi erikti kómekshi Sultan Allabergenov.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar