Qazir uıym ekpeni álem boıynsha qoljetimdi etý boıynsha jumys júrgizip jatyr. "Vaksına baılarǵa da, kedeılerge de birdeı buıyrady", - dep basa aıtty halyqaralyq uıym mamandary.
Sondaı-aq, uıym ókilderi koronavırýstyń aýyr túrimen aýyrǵan naýqastardyń tez ońalýyna kómektesetin keńes ázirledi. Ońaltý jattyǵýlary demikpeni toqtatý, fızıkalyq jattyǵýlar, sóıleý men jutyný fýnksııalaryn qalpyna keltirý jáne syrqattan keıingi psıhologııalyq qıyndyqtardy jeńýge kómektesedi.
28 betten turatyn keńester tiziminde fızıkalyq kúıińizdi anyqtaýǵa kómektesetin jattyǵý bar. Eger tutas sóılemdi úzbeı, bir demmen aıtyp shyǵa alsańyz fızıkalyq júktemeni arttyrýǵa bolady.
Eger úzip-úzip aıtsańyz, jaǵdaıyńyz qalypty, jattyǵýlardy jalǵastyra berińiz deıdi mamandar. Al tynysyńyz tarylsa jattyǵýdy toqtatqan jón. Alaıda bul keńester medısınalyq ońaltý baǵdarlamasyn tolyq almastyra almaıdy, tek sep bolady deıdi densaýlyq saqtaý uıymy.
