Aımaqtaǵy epıdemıologııalyq ahýal kúrdeli kezde jedel-járdem shaqyrtýlary táýligine 2500-den asyp, júkteme 2 esege artqan. Degenmen qazirgi tańda ahýaldyń turaqtalýyna baılanysty shaqyrtýlar sany azaıǵan.
2020 jyldyń maýsym aıynyń shaqyrystyń sharyqtaý shegimen salystyrǵanda 52,7 paıyz azaıýy baıqalady. Al sońǵy 2 aptada jalpy oryndalǵan jalpy shaqyrys sany 39 paıyzǵa tómendedi. Onyń ishinde tynys alý joldarynyń aýrýlary 74% azaısa, jedel respıratorlyq vırýsty ınfeksııa jaǵdaılary 82,5 paıyzǵa, pnevmonııa jaǵdaılary 60 paıyzǵa tómendegen.
Pnevmonııa jaǵdaılarymen shaqyrý kóp kezinde naýqastardyń 85 paıyzy stasıonarǵa jatqyzylsa, qazirgi tańda 45,3 paıyzy tasymaldanyp, jatqyzý kórsetkishi 79,3 paıyzy qurap otyr. Iаǵnı aýyr túrdegi naýqastardyń azaıǵany baıqalady.
Vıse-premer jedel-járdem stansasynyń operatıvti is-qımyl jumysyn jáne shaqyrtýlardy qabyldaıtyn dıspetcherlik bólimdegi Sall ortalyqtyń jumys prosesin baqylady. Árbir túsken qońyraýlarǵa jaýapty ár dıspetcher kúnine 150 qońyraý qabyldap kelgen. Búginde vırýs indeti basylǵan kezde shuǵyl qońyraýlar azaıǵan. Shaqyrys kóp kezde 1-3 sanattylyq boıynsha bir jedel-járdem tobyna 30-35 shaqyrys, qazir táýligine 16-18 shaqyrys, 4 sanatty jedel járdem tobyna 20-22 shaqyrystan oryndalýda.
Jedel-járdem qyzmetiniń naýqastarǵa ýaqytyly jetýin iske asyrýda jeńil jáne ortasha dárejedegi naýqastarǵa emhanalar janynan qurylǵan mobıldi toptar kómek bórýde. Búgingi kúni oblys boıynsha 161 mobıldi brıgadalar jumysyn júrgizýde.
