24 Shilde, 2020

Assambleıa 151 mıllıon teńgeniń kómegin kórsetti

18 ret kórsetildi

Qazaqstan halqy Assambleıasy pnevmonııa derti ýshyqqan sońǵy bir aıda aq halatty abzal jandar men provızorlyq ortalyqtarǵa  qol ushyn sozyp,  151 443 526 teńgege qajetti dári-dármek pen ókpeni jasandy jeldetý apparattaryn satyp aldy, - dep habarlaıdy Egemen.kz.

Sonymen qatar, aýrýhanadaǵy naýqastarǵa tósek jaımalary, gıgıenalyq zattar, antıseptık, betperde, ystyq tamaq taratyp, jemis-jıdek jetkizdi. Em alyp jatqandarǵa shıpa bolsyn degen nıetpen túıe, sıyr, bıe, eshki sútteri men aıran, súzbe, qurt-irimshik úlestirildi.

Assambleıanyń erikti jastary óz kólikterimen medısına mamandaryna tegin taksı qyzmetin kórsetip, egde jastaǵy jáne jalǵyz basty turǵyndardy vırýsqa qarsy preparattarmen, aldyńǵy sheptegi medısına qyzmetkerleri otbasynan oqshaý turyp jatqan qonaqúılerdi et ónimderi men kókónispen qamtamasyz etti. Ottegi ballondaryn izdestirý, ballondardy toltyrý, tasymaldaý jumystaryna atsalysty.

Budan bólek, QHA músheleri medısına qyzmetkerlerine, jedel-járdem kólikterine 7 tonna janar-jaǵar maı quıyp berip, baspanasyz qalǵan jalǵyzbasty analardy qamqorlyqqa aldy.

Sonyń ishinde Aqtóbe, Soltústik Qazaqstan, Atyraý, Qaraǵandy, Shyǵys Qazaqstan, Túrkistan, Jambyl oblysynyń etnomádenı birlestikteri erekshe belsendilik tanytyp, jergilikti aýrýhanalarǵa Reseıden alynǵan ottegi konsentratorlaryn, tynys alý apparattary men dezınfeksııalyq quraldar, elektrokardıograf, elektrotermokoagýlıator tartý etti.

Qazirgi sátte barlyq etnomádenı birlestikter Qurban aıt merekesine oraı "Myń alǵys" aksııasyn qolǵa alýǵa qyzý daıyndalyp jatyr. Endigi kezekte aq halatty abzal jandardyń otbasyna qarjylaı kómek berilip, merekelik dastarhan úshin azyq-túlik sebetteri tartý etilmek.

Esterińizge sala ketsek, Qazaqstan halqy Assambleıasy naýryz aıynda engizilgen tótenshe jaǵdaı kezinde respýblıkalyq "Biz birgemiz!" aksııasy aıasynda muqtaj azamattarǵa 376 454 347 teńgege qarjylaı kómek kórsetip, 515 myńnan astam medısınalyq maska taratqan edi.

Al Maqtaaralda oryn alǵan sý tasqynynan zardap shekkenderge de etnos ókilderi judyryqtaı jumylyp, 101 936 000 teńgege 335 tonna gýmanıtarlyq kómek pen qurylys materıaldaryn jóneltken bolatyn.

Byltyrǵy jyly Assambleıanyń ártúrli deńgeıdegi qaıyrymdylyq sharalarǵa kórsetken kómegi 4,5 mlrd teńgege jýyqtaıdy.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar