Búgingi kúni Qyzylorda oblysy boıynsha 328 dárihana, dárihana pýnktteri farmasevtıkalyq qyzmetpen aınalysady, onyń 178-i Qyzylorda qalasynda ornalasqan. Indettiń taralmaýyna qajetti dári-dármekterdiń ýaqytyly jetýi jáne baǵasynyń negizsiz kóterilmeýin arnaıy monıtorıngtik top baqylaýda ustaıdy. Búgingi kúnge deıin monıtorıngtik top qaladaǵy 9 emhana men SQ-Farmasııa JShS dárilik qoımasyna, 86 dárihanaǵa monıtorıng júrgizdi. Sonyń nátıjesinde aımaqta dárihanalardaǵy uzyn-sonar kezek azaıdy. Vırýsqa qarsy ystyqty túsiretin, qyzýdy basatyn qajetti dári-dárimektiń qory kún saıyn jańartylyp otyr. Dárihana jelileri kúndelikti dárilik zattar men medısınalyq buıymdarǵa tapsyrys berip, suranysqa sáıkes qajettilikterdi qamtamasyz etýde. Búgingi kúni vırýsqa qarsy ystyqty túsiretin, mıkrobty túsiretin dárilik zattar qory 354 262 danany quraıdy.
Dárihanada halyq tarapynan únemi suranystaǵy Eýffelın», "S" vıtamıni, "Sýmamed", "Sıprolet", "V" vıtamınder kesheni "Mılgamma", "Remaberın", "Polıoksıdonıı", "Oflo", t.b. dárilik zattary kelip túsedi.
Qazirgi tańda "Zerde" jaýapkershiligi shekteýli seriktestiginiń Qyzylorda qalasynda 3 dárihanasy bar. Buǵan deıin qalada "Zerde" JShS-niń bir ǵana dárihanasy halyqqa qyzmet kórsetip kelse, endi olardyń qatary maýsym aıynda 2 dárihanamen tolyqty. Bul sońǵy kezde qalyptasqan dárilik tapshylyqty joıýǵa, dárihanalarda qalyptasqan kezekti boldyrmaýǵa jol ashty.
Oblys ákiminiń tapsyrmasyna sáıkes dárihanalarǵa qajetti qordy qalyptastyrý úshin búgingi kúni dıstrıbıýtorlarmen ózara kelisim jolǵa qoıyldy. Oblys aýmaǵyndaǵy iri jáne kishi dárihanalar jelisine qajettilikterine qaraı dárilik preparattar udaıy jetkizilýde.
Vıse-Premer Eraly Toǵjanov oblystaǵy dárilik zattardyń jetkilikti bolýyn qamtamasyz etýdi jáne halyq suranysyndaǵy dárilerdiń udaıy jetýin nazarǵa alýdy jetkizdi.
