Qazaqstan • 24 Shilde, 2020

Qytaı naryǵyndaǵy qazaqstandyq eksporttyń jańa múmkindikteri

38 ret kórsetildi

Keshe Saýda jáne ıntegrasııa vıse-mınıstri Azamat Asqaruly "QazTrade ACCELERATOR: Tamaq ónerkásibi 2020" birinshi eksporttyq akselerasııa baǵdarlamasyn iske qosty. Bul týraly Saýda jáne ıntegrasııa mınıstrliginiń baspasóz qyzmetine silteme jasaı otyryp Egemen.kz habarlaıdy.

Is-shara onlaın rejıminde ótti. Vıse-mınıstr óz sózinde bul joba eldiń shıkizattyq emes eksportynyń jedel ósýine, sonymen qatar jańa eksporttaýshylardyń ósýine yqpal etetindigin atap ótti.

Eksporttyq akselerasııa óndiristik kezeńnen bastap taýarlardy jóneltýge deıin tolyǵymen tájirıbege baǵyttalǵan baǵdarlama bolýǵa baǵyttalǵan. Qoldaý sharalary eksporttaýshylardy keshendi qoldaý qaǵıdaty boıynsha júzege asyrylady.

Akseleratordyń birinshi aǵymyna qatysý úshin tamaq ónerkásibi salasyndaǵy daıyn óndirisi bar 30 kompanııa tańdalady. Qatysýshylar birneshe aı boıy óz kompanııalarynyń áleýetin eksporttyq turǵyda kúsheıtý boıynsha belsendi oqytýdan ótip, halyqaralyq sarapshylardan qajetti daǵdylardy alady. Negizgi nátıje eksporttyq kelisim-shartqa mindetti túrde qol jetkizý bolmaq.

Eksporttyq akselerasııa baǵdarlamasy 2020 jyldan 2025 jylǵa deıin 1010 otandyq óndirýshilerdi qamtýdy josparlap otyr. Olardyń 30%-y buryn eksporttyq qyzmetke qatyspaǵan jáne alǵashqy eksporttyq kelisimsharttaryn alatyn 303 kásiporyn bolmaq. Qalǵan 70% –aǵymdaǵy eksporttyq qyzmetke qatysýshylar, olar baǵadarlama aıasynda eksport kólemin arttyrady nemese turaqty jetkizilimdermen ózderi úshin jańa maqsatty naryqtar ashady.

Qazaqstanda alǵashqy eksporttyq akselerasııa baǵdarlamasyn iske qosý aıasynda tamaq ónerkásibi negizgi sala retinde tańdaldy. Qytaı bizdiń taýar óndirýshilerdiń negizgi satylym naryǵy bolady dep josparlanýda.

"Búgingi tańda álemdik pandemııa jaǵdaıynyń damýy jáne kórshi elderdiń azyq-túlik taýarlaryna suranysynyń joǵarylaýy aıasynda otandyq taýar jelisin jańa jaǵdaılarǵa beıimdeý jáne eksporttaýshylarǵa tıimdi qoldaý sharalaryn usyný qarqynyn báseńdetpeý qajet. Osy rette biz Qytaı provınsııalarymen tikeleı jumys isteıtin bolamyz", dep atap ótti vıse-mınıstr.

"Báıterek" UBH" AQ basqarýshy dırektory Marat Omarov Ulttyq holdıngtiń qarjylyq ınstıtýttarmen birge eksporttaýshylar úshin usynatyn qoldaý sharalary týraly qysqasha baıandady.

Atalǵan sharaǵa KazakhExport, QazIndustry, KTZ-Express sııaqty qazaqstandyq damý ınstıtýttarynyń basshylary, Reseıdegi, Qazaqstandaǵy jáne Qytaıdaǵy PwC ókilderi, sonymen qatar qytaılyq kompanııalardyń ókilderi qatysty.

Aǵymdaǵy jyly bul baǵdarlama osy baǵyttaǵy jobalardy iske asyrýda úlken tájirıbesi men tabysty keısteri bar PricewaterhouseCoopers kompanııasymen seriktestikte júzege asyrylady.

Halyqaralyq naryqqa shyǵý árqashan ózindik sıpattamalarǵa ıe. Kez kelgen elge taýarlardyń eksporty ımporttaýshy eldiń standarttaryn rastaý, "jergilikti" sapa sertıfıkatyn alý jáne basqa da kóptegen «tehnıkalyq» máselelermen baılanysty bolady. О́z ónimderin eksporttaýdy josparlaıtyn kásipkerlerdiń barlyǵy shetel naryqtarynyń mundaı qyr-syryn bile bermeıdi. Búgingi tańda 400-den astam qazaqstandyq kompanııalar shetelde otandyq óndiristi usynady. Osy ýaqytqa deıin elimizdiń álemdik saýda tizbegindegi shıkizattyq emes taýarlardyń úlesi tómen bolýda. Biraq akselerasııa baǵdarlamasyn iske asyrýdyń nátıjesinde eksporttyń artýy kútilýde.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar