Uzyndyǵy 763 shaqyrymdy quraıtyn "Taldyqorǵan – О́skemen" avtomobıl jolyn qaıta jańartý jumystary jalǵasyp jatyr. Eldegi epıdemıologııalyq jaǵdaıǵa qaramastan, jolshylar kúsheıtilgen rejımde jumys isteýde. Búginge deıin mamandar 14856 myń tekshe metrden astam jer qazý jumystaryn aıaqtap, 272 sý ótkizý qubyry men 29 mal ótpesin saldy. Sondaı-aq, joldyń 287 shaqyrymynda qıyrshyq tas jáne qum qospasynan jasalǵan joldyń tóseme qabaty, 256 shaqyrymynda jol negiziniń tómengi qabaty, 238 shaqyrymynda joǵary keýekti iri túıirshikti asfalt-betonnan jasalǵan jol negiziniń joǵarǵy qabaty jáne 190 shaqyrymynda tyǵyz iri túıirshikti jol jabyndysynyń tómengi qabaty jaılastyryldy. Budan bólek, munda jol ótpeleri, kópirler men jol aıyryqtary sııaqty 30 jasandy qurylymnyń qurylysy júrip jatyr.
Jol eldiń ońtústigi men shyǵysyn baılanystyratyndyqtan, onyń eki óńirdi damytýda mańyzy zor. Ol – negizgi kóliktik kúre joldardyń biri. Tasjol Almaty oblysyndaǵy Qoılyq eldi mekenin, Shyǵys Qazaqstan oblysynda Shynqoja, Úshbıik, Aıagóz eldi mekenderin aınalyp ótedi.
Qurylysyn jumystaryn "CITIC Cinstruction Co.Ltd", "K-Dorstroı" jáne "Todini Central Asia" JShS júzege asyrýda. Jumystardyń sapasyn "GK INJINIRIG" jáne "ZS Enginering" kompanııalary baqylaıdy.
Eske salaıyq, jobaǵa sáıkes "Taldyqorǵan – О́skemen" tasjolynyń 32 shaqyrymy tórt jolaǵy bar 1 tehnıkalyq sanattaǵy, uzyndyǵy 731 shaqyrymdy quraıtyn jol ýchaskesi 2 jolaǵy bar II tehnıkalyq sanattaǵy jolǵa sáıkestendirilmek. Osylaısha júrgizýshiler kóp uzamaı Taldyqorǵannan О́skemenge deıin 6-7 saǵat ishinde jete alatyn bolady.
Budan bólek, qaıta jańartý jumystarynyń aıasynda 6 kópir, temirjol arqyly ótetin 3 jol ótpesi, jaryqtandyrylatyn 11 jol aıyryǵy, 276 qubyr, demalys alańdary, eldi mekender mańynda ornatylatyn avtopavılondar salynatyn bolady. Búgingi tańda ýchaskelerdegi jumystarǵa tehnıkanyń 2 myńnan astam birligi men 4 myńǵa jýyq adam jumyldyrylǵan. Qurylys jumystary 2022 jyly aıaqtalady dep josparlanýda.
Jumys sapary barysynda "QazAvtoJol" UK" AQ men merdigerlik uıymdar ókilderiniń qatysýymen kóshpeli keńes ótti. Shara aıasynda jol ýchaskelerindegi qaıta jańartý jumystarynyń barysy men qarqyndylyǵy máseleleri talqylandy.
