Nur Otan partııasynyń músheleri, «Jarqaıyn» JShS basshysy Vıtalıı Kamyshanskıı jáne "Pıshepromtorg" JShS basshysy Ivan Popov Aqmola oblysy Jarqaıyń aýdanynyń provızorlyq stasıonaryna 5 ottegi konsentratoryn tabystady. Apparattardy satyp alýǵa 2,5 mıllıon teńgeden astam qarjy bólgen. Bul apparattar jergilikti kásipkerlerdiń, aýdan turǵyndarynyń jáne partııalyqtardyń óz qarajaty esebinen satyp alyndy.
"Bul apparattar naýqastarǵa óte qajet. Endi bizdiń aýrýhanada 5 ottegi konsentratory bar. Bul apparattar ókpesi qabynyp, ottegi jetispeýshiliginen jaǵdaılary qıyndaǵan naýqastarǵa kómektesedi", - dep aýrýhana bas dárigeriniń mindetin atqarýshy Mahambet Dosmuratov Jarqaıyń aýdanynyń provızorlyq stasıonaryna kómek qolyn sozǵan jergilikti kásipkerlerge alǵysyn bildirdi.
"Biz úshin mundaı demeýshilik kómek árdaıym qundy, óıtkeni túngi ýaqytta bizge aýyr haldegi pasıentter kelip túsedi, olarǵa konsentratorlar qajet. Al mundaı portatıvti konsentratorlar óte yńǵaıly, biz olardy kez kelgen jerge apara alamyz jáne pasıentke jetkize alamyz", - dedi Mahanbet Manasuly.
Sonymen qatar, Nur Otan partııasynyń elordalyq fılıaly kóp balaly 3 otbasyǵa jáne balalarǵa áleýmettik kómek kórsetti. Olarǵa barlyq qajetti dári-dármekter (ystyqty tómendetetin dári-dármekter, vıtamınder, medısınalyq maskalar, qolǵaptar jáne t.b.), azyq-túlik-sharýashylyq sebetter, keńse taýarlary jáne balalarǵa arnalǵan táttiler jetkizildi.
Nur Otan partııasynyń barlyq músheleriniń jasy men qyzmet salasy ár túrli bolǵanymen olardy biriktiretin – kómektesýge degen nıet.
