О́zbekstannan Qazaqstanǵa ótpek bolǵan kólikte qujaty joq 2 mln teńgeniń taýary tabylǵan. Túrkistan oblysy boıynsha Memlekettik kirister departamenti baspasóz qyzmetiniń málimetinshe, kedenshiler tún ishinde О́zbekstannan Qazaqstanǵa baǵyt alǵan avtokólikti teksergen.
Ony skanerleý kezinde ishinde deklarasııalanbaǵan taýar bolǵany anyqtalǵan. Jaýap alý barysynda kólik júrgizýshisi shekara arqyly «AKARA BIO preparatyn» (akarısıd) pestısıdterin zańsyz alyp ótpek bolǵanyn jetkizgen. Ondaǵy 50 qaptamanyń árqaısysynda bes lıtrlik 4 ydystan bolǵan. Zańsyz taýardyń quny 1 454 545 myń teńgeni quraǵan.
Aıta keteıik, osydan birneshe kún buryn dál sol keden beketi arqyly taǵy bir Qazaqstan azamaty deklarasııalanbaǵan temeki buıymdaryn alyp ótpek bolǵan edi. «Kedendik tekserý kezinde О́zbekstanǵa baǵyt alǵan avtokólikten jasyrylǵan 600 qorap «Heets» temekisiniń stıkteri tabyldy.
Qujattaryn tekserý kezinde Qazaqstan azamatynyń taýardy Reseı Federasııasynan alyp kele jatqany anyqtalǵan. Bul faktiler boıynsha barlyq materıaldar tergeý is-sharalaryn júrgizý úshin quqyq qorǵaý organdaryna ótkizildi» delingen habarlamada.
