Bir apta ishinde polıseıler, epıdemıologtar, volonterler, jergilikti atqarýshy organ ókilderinen quralǵan mobıldi top Nur-Sultan qalasynda 227 karantın tártibin buzý faktisin tirkedi.
Onyń 146-sy maska taǵý men áleýmettik qashyqtyqty saqtaý syndy mindetti talaptar bolsa, 81-i tyıym salynǵan ýaqytta qyzmetin jalǵastyrǵan kásipkerlerge qatysty. Qazirgi ýaqytta astanada monıtorıng jasaıtyn 16 mobıldi top bar.
Polıseıler oıyn-saýyq oryndary, qoǵamdyq tamaqtaný obektileri, saýna, monsha, attraksıondardy tekserip, olardyń ıelerine karantın erejeleri týraly eskertedi. Sonymen qatar karantın erejesin buzý faktilerin anyqtaıdy.
Nur-Sultan qalasynyń polısııa departamenti azamattardy qoǵamdyq oryndardaǵy erejege jaýapkershilikpen qarap, sanıtarııa talaptaryn saqtaýǵa shaqyrady. Koronavırýs taralmas úshin polıseıler men volonterler turǵyndarǵa karantın tártibin saqtaý men jeke qorǵanys quraldaryn taǵýdyń mańyzy jóninde túsindirý jumystaryn júrgizedi.
