Avstralııada osy vırýstan bir kúnde qaıtys bolǵandar sany rekord jańartyp otyr. Al, Sankt-Peterbýrgte pnevmonııaǵa shaldyqqandar birneshe esege kóbeıdi.
AQSh-ta jarty aıda bir mıllıon adam koronavırýs juqtyratyn boldy. Qazir mundaı naýsqastardyń jalpy sany 4 mıllıonnan asyp, 145 myńǵa jýyǵy qaıtys boldy. О́tken táýliktiń ózinde COVID-19 dıagnozy 84 jarym myńdaı adamǵa qoıylǵan.
"Assoýshıeıtıd press" agenttigi júrgizgen saýalnama qorytyndysyna qaraǵanda, amerıkalyqtardyń tórtten úsh bóligi úıden shyqqanda maska taǵýdy talap etýdi qoldap otyr.
Al Ispanııanyń Madrıd aımaǵynda tipti úıde de maskamen júrýge keńes berilip otyr.
"Biz saqtaný sharasy retinde jeke keńistikte ózderińizben birge turmaıtyn adamdarmen kezdeskende maska taǵýǵa keńes beremiz. О́ıtkeni, juqtyrǵandardyń kóbi bul aýrýǵa otbasylyq jıydardan soń shaldyqty".
Japonııada da pandemııa qaıta kúsh aldy. Sońǵy 24 saǵatta munda 981 adamnan «kovıd» tabyldy. Dárigerlerdiń sózinshe, muny epıdemııanyń basynan bergi rekord dep ataýǵa bolady.
Sankt-Peterbýrgte gospıtalge júginbegen azamattardyń ishinde pnevmonııaǵa shaldyqqandardyń sany 10 ese ósken. Aýrý mamyr aıynda órshidi. Osy jyldyń alǵashqy bes aıynda bul indetten otyz myńǵa jýyq adam qaıtys boldy.
Úndistan densaýlyq saqtaý mınıstrliginiń dereginshe, ótken táýlikte 49300-den astam turǵyn koronavırýs juqtyryp, 740 adam o dúnıege attanǵan. Bul da rekord. Pandemııa bastalǵaly ońtústikazııalyq memlekette 1 mıllıon 200 myńdaı adamnan jańa vırýs anyqtaldy.
