О́tken táýlikte álemniń 40-qa jýyq elinde koronavırýs juqtyrǵandardyń sany rekordtyq deńgeıge jetti. Infeksııalanǵandar ádettegideı AQSh-ta, Brazılııada, Úndistanda ǵana emes, Avstralııada, Japonııada, Fransııada, Gonkongta, Bolıvııada, Sýdanda, Efıopııada, Bolgarııada, Belgııada, О́zbekstanda, Ýkraınada, Izraılde de kóbeıdi.
Karantındik shekteýlerdi alyp tastaǵan nemese jeńildetken bul memlekettere koronavırýsqa shaldyqqandardyń sany osymen taǵy da sharyqtaý shegine jetip otyr.
Fransııaǵa epıdemııanyń ekinshi tolqyny jetti. Sońǵy 24 saǵatta munda myńnan astam adamnan qaýipti ınfeksııa tabylǵan.
Avstralııanyń Vıktorııa shtatynda kesheden beri koronavırýsty 357 adam juqtyryp, taǵy beseýi qaıtys boldy. Sondyqtan, halyqty maska taǵýǵa mindetteıtin strategııa óz kúshin joımaı otyr.
Ońtústik Koreıada 24 saǵatta 113 adamǵa Covid-19 dıagnozy qoıyldy. Osylaısha, keıingi tórt aıda juqtyrǵandardyń táýliktiń sany alǵash ret 100-den asyp otyr. Jalpy alǵasha, epıdemııa bastalǵaly bul memlekette qaýipti ınfeksııa 147 myńnan astam adamnan tabylyp, 298-i qaıtys bolǵan.
Reseıde vırýs juqtyrǵandar sany 807 myńǵa jýyqtady. Pandemııanyń beti qaıtpasa da, Máskeýden, Sankt-Peterbýrgten jáne Dondaǵy Rostovtan Túrkııaǵa, Tanzanııaǵa, Ulybrıtanııaǵa áýe reısteri tamyzdyń alǵashqy kúninen bastap áýe reısteri qaıta ashylady.
