Aımaqtar • 27 Shilde, 2020

Atyraýdaǵy ahýal ońalyp keledi

1707 ret kórsetildi

Atyraýdyń búgingi epıdemııalyq ahýalynda oń ózgeris bar ma? Osy kezge deıin eldi alańdatqan máse­lelerdiń túıini tarqatyldy ma? Jalpy óńirdegi búgingi ahýal qalaı qalyptasyp otyr? Munyń bári ótken senbide Premer-Mınıstrdiń orynbasary Eraly Toǵjanovtyń munaıly aımaqqa sapary kezinde keńinen talqyǵa tústi.

 

Birinshiden, dárihanalardy da, emdeý oryndaryn da dári-dármekpen qamtý jolǵa qoıyldy. О́ńirge apta saıyn 338 túrli preparat jetkizilýde. Buǵan qosa dárihanalarǵa sońǵy eki aptada 80 tonna dári-dármek ákelindi. Qazir medısınalyq mekemelerde dári-dármektiń bir aılyq qory bar. Alaıda, eń qajetti segiz dáriniń qory bir aptaǵa ǵana jetedi. Al «SQ-Farmasııa» JShS-niń basqarma tóraǵasy Erhat Isqalıev bul máseleni úsh kúnniń ishinde sheshýge ýáde berip otyr. Osyǵan oraı, Premer-Mınıstrdiń orynbasary Eraly Toǵjanov «SK-Farmasııa» JShS-ne oblys ákimdigimen birge dári-dármekterdiń úsh aılyq qoryn qalyptastyrýdy tapsyrdy. Sonymen birge medısınalyq mekemelerdi ókpeni jasandy jeldetý apparattarymen, ottegi konsentratorymen tolyq jabdyqtaý úshin naqty sheshimder qabyldandy.

Ekinshiden, sońǵy bir aptadan beri qaýipti indetti juqtyrýshylar qatary azaıyp keledi. Degenmen, aty jaman aýrýǵa shaldyqqan naýqastardy emdeýdegi negizgi kúsh №2 oblystyq aýrýhanaǵa túsip otyr. Sebebi, bul aýrýhanada 180 oryndyq ınfeksııalyq stasıonar jumys isteıdi. Mundaǵy stasıonarǵa koronavırýs ınfeksııasymen aýyrǵan 1557 adam túsip, olardyń 1386-sy jazylyp shyǵypty. Al ınfeksııalyq oryndar 60 paıyzǵa artyp otyr. Sondaı-aq, call-ortalyq arqyly jedel járdemge túsetin qońyraýlar da azaı­ǵany baıqalady. Atalǵan orta­lyqta 36 tájirbıeli maman tórt aýysymmen jumys istep, tur­ǵyndarǵa onlaın-keńes beredi.

– Bizdiń stansaǵa 20 maýsymnan keıin qońyraý shalý kóbeıip, táýligine 1300-ge deıin qońyraý tústi. Al qazir onyń sany – shamamen 720-730. Onyń 300-ge jýyǵyn aýdan turǵyndary shalady. Habarlasýshylardyń kóbi – dene qyzýy kóterilip, ózde­rinde koronavırýs ınfek­sııa­synyń belgilerin anyqta­ǵysy keletinder, – deıdi oblys­tyq jedel járdem stansa­sy dırektorynyń mindetin atqa­rýshy Nargız Baımol­daeva. 

Úshinshiden, ótken aptada M.Ospanov atyndaǵy Batys Qa­zaqstan medısına ýnıver­sıtetin bitirip kelgen 53 mamannyń 11-i stasıonarlyq aýrýhanaǵa, 27-si bastapqy medısınalyq kómek kórsetetin em­hanalarǵa jumysqa kiristi. Al 15 jas dáriger aýdandarǵa jibe­rildi. Al Nasyr men Álbı­na Ońǵarbaevtar – «qyzyl aımaqta» jumys isteıtin otbasylyq jup. Dárigerlikti tańdaǵan jas mamannyń ekeýi de Aqtóbeden kelipti.

– Biz jumysymyzdy 20 shildede oblystyq aýrýhana janyndaǵy provızorlyq sta­sıonarda bastadyq. Naý­qas­tardy qabyldap, jaǵdaıyn baqylaımyz. Aýrýyna qa­tysty qujattar toltyramyz. Oblystyq ákimdik jaldap bergen «Dostyq» qonaq úıin­de turamyz. Aýrýhanaǵa arnaıy uıymdastyrylǵan avto­býspen kelemiz. Qazir ahýal tu­raqtalyp, naýqastar sany azaıýda. Dese de, osyn­daı qıyn jaǵdaıda naýqas­tarǵa kómegimiz tıgenine qýanyshtymyz, – deıdi Nasyr men Álbına Ońǵarbaevtar.

Oblystyq aýrýhananyń provızorlyq stasıonarynda jumysqa ornalasqan Dmıtrıı Lı hırýrg bolýdy tańdapty. «Úsh mezgil tamaqpen, qor­ǵanysh kıimimen qamtamasyz etti. Jas mamanbyz, sol sebepten, tolymdy tájirıbemiz áli qalyptasa qoıǵan joq. Biraq aqyl-keńesin beretin tálimgerlerimizben keńesip, emdeý sharasyn taǵaıyndaımyz», dep alǵashqy áserimen bólisti jas hırýrg.

Tórtinshiden, oblystyq densaýlyq saqtaý basqarma­synyń basshysy Nurlybek Qabdyqaparovtyń málime­tinshe, medısınalyq mekemeler 25 ottegi konsentratorymen qamtylypty. Endi taǵy osyndaı bes qurylǵy alynady. Provızorlyq jáne basqa da stasıonarlarǵa ottegi konsentratorlary jetkizilýde. Osy arqyly ottegi ballondarynyń sany azaımaq. Sonymen birge jańa ǵımarattarǵa ottegi jú­ıe­­si tartylyp jatyr. Bul ju­mys tamyz aıynyń alǵashqy on­kún­diginde aıaqtalady dep kútilýde. 

Al oblystyq aýrýha­na­nyń bas dárigeri Erbol Iman­ǵalıevtiń aıtýynsha, ot­tegi konsentratorlary dáriger­lerdiń jumysyn jeńilde­tedi. Osy kezge deıin paıdala­nylǵan ottegi ballondary yńǵaı­syzdyq týdyrypty. Sebebi, aýyr ballondardy tasy­mal­daýdyń qıyndyǵy óz aldyna, ony ottegimen únemi toltyrý qajet. Qazir bul aýrýha­nanyń aq halattylary 5 lıtrlik ottegi konsentratorlaryn qoldanyp otyr.        

Munaıly óńirdiń búgingi epıdemııalyq ahýaly týraly osylaı desek te, 26 shildede taǵy da 85 adamnyń qaýipti indetti juqtyrǵany rastaldy. Onyń ishinde 64 naýqasta sımptomsyz belgisi bolǵan. Árıne bul budan bir apta burynǵy derekter­den áldeqaıda az. Qazir Atyraý­daǵy naýqastardyń sany 9951-ge jetti. Jazylyp shyqqan­-
dar – 6294 adam.

 

Atyraý oblysy

 

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Elbasy jáne Qazaqstan armııasy

Elbasy • 07 Mamyr, 2021

Uqsas jańalyqtar