Oqıǵa • 27 Shilde, 2020

Prezıdent pedofıldi quryqtaǵan polıseıdi "Aıbyn" ordenimen marapattady

310 ret kórsetildi

Prezıdent pedofıldi quryqtaǵan polıseıdi "Aıbyn" ordenimen marapattady, dep habarlaıdy Egemen.kz

Almaty qalasynda pedofıldi ustaǵan polısııa maıory Baqytjan Bákirov Prezıdent Jarlyǵymen II dárejeli "Aıbyn" ordenimen marapattaldy.

– Qyzmettik boryshyn oryndaý kezinde kórsetken erligi men janqııarlyǵy úshin Ishki ister mınıstrligi Almaty qalasy polısııa departamenti Túrksib aýdandyq polısııa basqarmasynyń jedel ýákili Baqytjan Ánýarbekuly Bákirov II dárejeli “Aıbyn” ordenimen marapattalsyn, – delingen Jarlyq mátininde.

Esterińizge sala keteıik, Baqytjan Bákirov polıseıden qashyp ketpek bolǵan qylmyskerdiń artynan 13 qabattyń terezesinen sekirgen. Quqyq qorǵaý organdarynyń qyzmetkeri eki qabattan tómen jerge qulap, aıaǵyn syndyryp alady. Sóıte tura ol qylmyskerdi quryqtap, áriptesteri oqıǵa ornyna jetkenshe ustap otyrǵan.

Ustalǵan azamat kámeletke tolmaǵan adamdy tonaý jáne zorlaý úshin aıyptalýda. Polısııa maıory Baqytjan Bákirov aıaǵyna úsh operasııa jasady. Dárigerler emdelýshiniń qazirgi jaǵdaıy jaqsy jáne kóp uzamaı jumysqa oralyp, taǵy da kóptegen qylmyskerdi ustaı alatynyna sendiredi.

Búgingi tańda polısııa maıory men jubaıy ekeýi alty balany tárbıelep otyrǵan kópbalaly otbasy.

Sońǵy jańalyqtar

Uqsas jańalyqtar