Qazaqstan • 27 Shilde, 2020

Agrarlyq nesıe korporasııasy 4913 aýyl sharýashylyǵy taýar óndirýshilerin qarjylandyrdy

143 ret kórsetildi

Aǵymdaǵy jyldyń qorytyndysy boıynsha otandyq kásipkerler jalpy somasy 148,4 mlrd teńge kólemindegi nesıe rásimdedi. Memlekettik qoldaý sharalarynyń arqasynda jeńildetilgen nesıe berý baǵdarlamalary arqyly elde 12571 jumys orny qarjylandyrylsa, taǵy 3798 jańa jumys orny ashylady, dep habarlaıdy Egemen.kz

"QazAgro" Holdınginiń "Agrarlyq nesıe korporasııasy" AQ-nan nesıe alyp, tómengi paıyzdyq mólsherleme boıynsha kásipkerler mal, aýyl sharýashylyǵy tehnıkasyn, qural-jabdyqtar satyp aldy, aınalym qarajatyn tolyqtyrǵan, óndiristik nysandardy salyp jáne jańǵyrtýǵa kiristi.

"Pandemııaǵa qaramastan, aýyl sharýashylyǵy salasyn qarjylandyrý úzdiksiz júrgizilýde. Onyń ishinde: 38,5 myń bas iri qara, 84,3 myń usaq mal, 20,8 myńnan astam jylqy, 1402 túıe jáne 90 shoshqa. Sondaı-aq, myńnan astam birlik aýyl sharýashylyǵy tehnıkasy men 312 birlik qural-jabdyqtar satyp alyndy. Aınalym qarajatyn tolyqtyrýǵa 98,1 mlrd teńge somasynda qarajat bólindi", dep naqtylady "Agrarlyq nesıe korporasııasy" AQ Basqarma tóraǵasy Baǵlan Qultaev.

AО́K salasyn qarjylandyrý kóshbasshysyna nesıe berý baǵdarlamalary aýyl kásipkerleri arasynda keń suranysqa ıe. Aıtalyq, kóktemgi dala jumystary "Keń dala" jáne "qarapaıym zattar ekonomıkasy" baǵdarlamasy boıynsha 81 mlrd teńgeden astam somaǵa qarjylandyrylsa, 27 mlrd teńgeden astam nesıe "Agrobıznes" baǵdarlamasy boıynsha berildi, 3,3 mlrd teńgege "Sybaǵa" baǵdarlamasy boıynsha mal satyp alynýǵa jumsalǵan jáne 16,6 mlrd teńgege jýyq qarajat "Qarapaıym zattar ekonomıkasy" baǵdarlamasy sheńberinde berildi. Odan bólek, "Isker" baǵdarlamasy boıynsha áleýmettik osal azamattar qataryndaǵy kásipkerler arasynda tanymal, olardy qoldaýǵa 4 mlrd teńgeden astam somaǵa nesıe berildi.

Taǵy bir maǵyzdy aqparat, Agrarlyq nesıe korporasııasy jeke qarjy ınstıtýttaryn a/sh salasyn qarjylandyrýǵa belsendi túrde tartýda. Osylaısha, jarty jyldyqtyń qorytyndysy boıynsha Qoǵamnyń tikeleı nesıe berý úlesine nebári 35% tıesili, qalǵan 65%-y kredıttik seriktestikterdi qorlandyrý quraldary, EDB, MQU, AIO jáne lızıngtik kompanııalar arqyly iske asyryldy. Mundaı tásil shalǵaı aýyldarda da jumys isteıtin fermerlerdiń qarjyǵa qol jetkizýin qamtamasyz etýge múmkindik berdi. Sondaı-aq bul óz kezeginde, aýyldy jerlerdegi ShOB segmentin damytýǵa aıtarlyqtaı kómektesetini anyq.

Mańyzdysy, aýyl sharýashylyǵy taýar óndirýshilerdi qarjylandyrý óńirlerde mýltıplıkatıvtik ekonomıkalyq nátıje berýde. Mysaly, Semeı qalasyndaǵy "Makaı" JShS ósimdik maıy men kúnjara óndiretin zaýyty. Bıyl kásiporyn "Agrobıznes" baǵdarlamasy boıynsha aınalym qarajatyn tolyqtyrýǵa nesıe aldy. Bólingen qarajatqa kompanııa jergilikti sharýa qojalyqtarynan kúnbaǵys tuqymyn satyp alyp, maıly ónimderdi ótkizý boıynsha sharýalardyń máselesin sheshse, bir jaǵynan ónimniń shıkizat kúıinde shet elge shyǵýyn azaıtty. Esesine kompanııa daıyn ónimdi jergilikti naryqta tabysty satyp jáne Qytaıǵa, О́zbekstanǵa jáne Reseıge eksporttaı bastady. Sondaı-aq, zaýyt qosymsha jabdyqtar men arnaıy tehnıka satyp alǵan jáne qazir óndiristik sıklda táýligine 50 tonna ónim shyǵaratyn 60 qyzmetker jumys isteıdi.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar