Qazaqstan • 27 Shilde, 2020

Elimizde 3 myńnan astam rentgen-apparaty jumys istep tur

26 ret kórsetildi

Elde kóptegen azamattar ókpeniń zaqymdalýyn anyqtaý úshin KT-dan ótti, sol sebepti maýsym aıynan bastap KT-ǵa júginýdiń kúrt ósýi baıqaldy. Degenmen, dıagnostıkanyń bul túri belgili bir klınıkalyq sımptomdary bar pasıentterge kórsetilgenin jáne KT-ny dáriger taǵaıyndaýy kerek ekenin atap ótý kerek. Bul týraly ÁÁKQ KEAQ Basqarma tóraǵasy Bolat Tókejanov aıtty, - dep habarlaıdy Egemen.kz

"Entigý, tynys alýdyń qıyndaýy, keýde qýysynyń aýyrýy, qandaǵy ottegi deńgeıiniń tómendeýi sııaqty belgiler bolǵan jaǵdaıda dereý ýchaskelik dárigermen baılanysý nemese jedel járdemge qońyraý shalý qajet. Kompıýterlik tomografııa kabınetteriniń ótkizý qabiletin de eskerý qajet – ár pasıentten keıin sanıtarlyq óńdeý júrgizý qajet, bul kezek kútý ýaqytyn arttyrady. Osyǵan baılanysty, mysaly, Nur-Sultanda KT jumysyn táýlik boıy rejımine aýystyrdy", - dedi B. Tókejanov.

Onyń aıtýynsha, qazir elimizde 135 tomograf jumys isteıdi. Shilde aıynda Nur-Sultan qalasy KT 2 apparatyn, Almatyda 1 apparat bar, taǵy tórt oblys úshin 7 apparat satyp alynady. Qosymsha 17 tehnıka birligi bar.

"Jarty jyl qorytyndysy boıynsha 1,6 mlrd teńge somasyna KT-nyń 135 778 qyzmeti kórsetilgen. Bir sýrettiń quny Qorǵa 7 215 teńge, al kontrastaý boıynsha 27,5 myń teńge turady. Biraq tynys alý joldarynyń aýrýlaryn dıagnostıkalaý úshin hattamaǵa joǵary ruqsaty bar sandyq rentgenografııa apparattary engizilgen. Búgingi tańda elimizde 3 myńnan astam rentgen-apparat jumys isteıdi, onyń 1118-i jyljymaly, olar aýylda dıagnostıkalyq qyzmet kórsetý úshin qoldanylatyn bolady. Aýdandyq aýrýhanalar úshin taǵy 53 rentgen apparaty satyp alynýda", dedi ol.

Qosymsha 100 jyljymaly mobıldi keshendi jetkizý josparlanýda, olar barlyq qajetti jabdyqtarmen, onyń ishinde aýyl turǵyndaryn tekserýge arnalǵan rentgen-apparattarmen tolyqtyrylady.

Sońǵy jańalyqtar

Uqsas jańalyqtar