Áleýmettik medısınalyq saqtandyrý qory koronavırýs ınfeksııasyn dıagnostıkalaý, emdeý jáne asqynýmen baılanysty barlyq shyǵyndy óteý úshin pasıenttiń jaǵdaıynyń aýyrlyǵyn eskere otyryp, medısınalyq uıymdarǵa tarıfter ázirledi.
"Osylaısha, koronavırýstyń jeńil túrine shaldyqqan bir pasıenttiń emi 292,6 myń teńge, jaǵdaıy ortasha pasıenttiń emine – 446,1 myń teńge, jaǵdaıy aýyr naýqastyń emi – 1,5 mln teńge bolady. Qor jaǵdaıy óte aýyr bir naýqasqa 1,7 mln teńge tóleıdi. Jedel járdem kórsetý tarıfiniń qurylymynda JQQ shyǵystary orta eseppen 40% ósti", - dedi ol.
Pasıentter úshin stasıonarlyq jáne ambýlatorııalyq deńgeıde emdeý men dıagnostıka KVI jáne pnevmonııaǵa shaldyqqan pasıentterge tegin kórsetiledi.
Medısınalyq saqtandyrý qory josparlanǵan qarjy kóleminen mobıldik brıgadalardyń jumysyna shamamen 7,7 mlrd teńge jumsaıdy, jyl sońyna deıin 1,4 mln úıge kómek kórsetiledi dep josparlpanýda. Qazirdiń ózinde óńirlerde emhanalar men otbasylyq ambýlatorııalar janynan 3 myńnan astam osyndaı brıgada qurylǵan.
"Sonymen qatar kóptegen qazaqstandyq aýrý órshigen tusta koronavırýs pen pnevmonııany dıagnostıkalaýǵa, emge jáne dári – dármekke qaltalarynan kóp shyǵyn shyǵarǵanyn eskerip, Qor ınfeksııa juqtyrǵandarǵa ońaltý qyzmetin qarjylandyrý týraly sheshim qabyldady", - dedi Bolat Tókejanov.
Búginde ońaltý qyzmetine degen suranys óte joǵary. Sondyqtar ol qazaqstandyqtarǵa qor tarapynan qajetti kómektiń barlyǵy kórsetletinin aıtty.
"1406 baılanys ortalyǵyna kóptegen suraq keledi, sondyqtan Densaýlyq saqtaý mınıstrligimen birge Qor aýyryp shyqqan pasıentterdi júrgizý algorıtmin ázirleýde. Biz emhanadan bastap Ońaltý ortalyqtary men sanatorııalyq-kýrorttyq uıymdarǵa deıingi barlyq deńgeıde kómektiń barlyq túrin qarastyramyz", - dedi ÁMSQ basqarma tóraǵasy.
