Úkimet • 27 Shilde, 2020

Almatydaǵy emdeý oryndary úsh baǵyt boıynsha jumys isteýge kóshti

45 ret kórsetildi

Almaty qalasynda jedel medısınalyq járdem men emhanalardyń, stasıonarlardyń jumysynan bastap barlyq baǵyttar boıynsha tásilder ózgertildi. Qaladaǵy stasıonarlar pasıentterdiń jaǵdaıynyń aýyrlyǵyna qaraı bólingen. Bul týraly PrimeMinister.kz-ke bergen suhbatynda Almaty qalasynyń Qoǵamdyq densaýlyq basqarmasynyń basshysy Kamaljan Nadyrov aıtyp berdi, dep habarlaıdy Egemen.kz

Qalada jedel medısınalyq járdemnen, emhanalar men stasıonarlardyń jumysynan bastap medısınalyq kómekti uıymdastyrý boıynsha júıeli jumys qurylǵan. Eger buǵan deıin klınıkalar provızorlyq jáne ınfeksııalyq stasıonarlarǵa bólingen bolsa, búginde olar pasıentterdiń jaǵdaıynyń aýyrlyq dárejesine qaraı bólinedi.

"Biz olardy úsh sanatqa bóldik. Birinshi sanattaǵy klınıkalary — eń jaqsy materıaldyq-tehnıkalyq bazasy bar klınıkalar, onda asa damyǵan reanımasııa qyzmeti, qajetti mamandar jıyntyǵy bar. Ekinshi sanattaǵy klınıkalarda mamandar da bar, biraq reanımasııalyq tósek-oryn sany az. Úshinshi sanattaǵy klınıkalarǵa biz aýrýynyń aýyrlyq dárejesi salystyrmaly túrde jeńil jáne ortasha pasıentterdi jatqyzamyz. Mundaı aǵyndar boıynsha bólý bizge pasıentterdiń marshrýtyn júıeli túrde qurýǵa múmkindik berdi", dedi K. Nadyrov.

Onyń aıtýynsha, búginde qalada tósek-oryn sany men saýyǵyp shyqqan pasıentter sanynyń artqany baıqalady. 

"Eger buryn bizde tósek-oryndardyń bos bolmaýy aýrýlar eń kóbeıgen sátte 90%-ǵa jetken bolsa, qazir bul kórsetkish 50%-dan az. Árbir ekinshi tósek-oryn búginde bos, biraq osyǵan qaramastan, biz tósek-oryn qoryn ulǵaıtýdy jalǵastyryp jatyrmyz", dedi Almaty qalasynyń Qoǵamdyq densaýlyq basqarmasynyń basshysy. 

Sondaı-aq BMSK deńgeıinde medısınalyq kómek kórsetý tásilderi ózgerdi, tek KVI-men aýyrǵan pasıenttermen ǵana jumys isteıtin arnaıy mobıldi brıgadalar quryldy.

"Búgingi tańda 72 mobıldi brıgada bar, dárigerler men ortasha medısınalyq qyzmetkerler sany 400 adamǵa jetti. Buryn 200 adam bolǵan. Mobıldi brıgadalardyń mindeti — pasıentterdi BMSK deńgeıinde barynsha ustaý, ıaǵnı asqynýlardyń damýyna jáne kelesi deńgeıge — stasıonarlyq deńgeıde jetkizbeý", dedi ol.

Sonymen qatar, qalada jedel járdem jumysynyń tásilderi ózgerdi. Búgingi kúni jedel járdem pasıentterge kelgende, olardyń ázirlengen chek-paraǵy bolady, sol boıynsha pasıenttiń aǵymdaǵy jaǵdaıyn obektıvti baǵalaýǵa bolady. Aýrýdyń aýyrlyq dárejesine baılanysty jedel járdem naýqasty qandaı aýrýhanaǵa jatqyzý týraly sheshim qabyldaıdy. 

Aıta ketý kerek, COVID-19-pen kúreske tartylǵan medısınalyq uıymdardyń sany artyp keledi. Búgingi kúni qalada shamamen 6 myń tósek-oryn bar, onda 4 440 medısınalyq qyzmetker jumys isteıdi.

"Biz sonymen qatar medısına kadrlaryn jumyldyrý máselesin qarastyrýdamyz, óıtkeni bizdiń aldymyzda tósek-oryn sanyn kem degende 7 700-ge deıin jetkizý mindeti tur. Búginde biz 1 500-ge jýyq dárigerdi qabyldadyq. Olarmen úlken daıyndyq jumystary júrgizilýde. Olar ınfeksııalyq qaýipsizdik, pasıentterdi emdeýdi júrgizý jáne t. b. máseleler boıynsha oqytylyp jatyr. Bul turǵyda bizde osyndaı mamandardy daıyndaıtyn arnaıy oqý-klınıkalyq ortalyq quryldy", dedi ol.

Sonymen qatar, qala basshylyǵy tósek-oryn sanyn arttyrý úshin barlyq nusqalardy pysyqtaýda. Qaladaǵy "Halyk Arena" muzaıdyn saraıynyń bazasynda gospıtal ashyldy, onda 1000 tósek-oryn ornalasqan. Sondaı-aq, sol jerge medısınalyq gazdar, ottegi jetkizip, tolyqqandy reanımasııalyq bólim ashý josparda bar.

"Medısınalyq mekemelerden basqa, biz basqa da nysandardy zerdeledik, atap aıtqanda, bastapqyda psıhonevrologııalyq aýrýlardy emdeý ortalyǵy retinde salynyp jatqan áleýmettik nysandardyń birine toqtaldyq. Biz barlyq ınfraqurylymdy zerttep, ony medısınalyq nysan retinde qaıta beıindeý úshin óte qolaıly ekenin túsindik. Búginde tıisti jumystar júrgizilýde. Bul 500 tósek-oryndyq tolyqqandy stasıonar bolady, ony qyrkúıek aıynda paıdalanýǵa berýdi josparlap otyrmyz. Onda ınfeksııalyq qaýipsizdiktiń barlyq talaptary saqtalatyn bolady", dep túıindedi K.Nadyrov.  

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar